Heimili Gribbunnar

Útskýring

2007-09-22T19:03:00.000Z

Mér var bent á að sumir (nefnum engin nöfn) hafi ekki skilið síðasta blogg mitt hér. Það tilkynnist því hér með að þetta er síðasta bloggið mitt hér því að ég er farin að blogga á sigurbjorg.com og þetta er tengill á þá síðu.

Ég er flutt...

2007-09-19T15:10:00.000Z

...á nýjan og betri stað.

Ég var búin að gleyma...

2007-09-17T20:30:00.000Z

...hvað það er vont að fá hlaupasting og hvað það er gott að fara út að skokka í smá rigningu

Gleði, gleði

2007-09-04T19:37:00.000Z

Það er ókeypis fyrir mig í strætó. Það er frábært og ég nota mér það mikið.

Ég ER búin að vera dugleg að læra í dag.

Elsku besta Hlífa mín og hennar fjölskylda eru ennþá hjá mér og hjá þeim fæ ég oft að borða.

Ég finn reyndar enga leið til að snúa við síðasta punktinum síðan í gær. Nema kannski get ég skrapað saman peningum fyrir ferð. Kaupi bara lítið. :)

Síðast en ekki síst ætla ég að vera glöð yfir vinum mínum. Af því tilefni endurtek ég gamalt blogg. Ómar, þetta er áminning um hvernig þú átt að vera ;).

Hrósið fær...

...Ómar Sigurvin fyrir að vera frábær. Hann gerði við mig besta samning í heimi. Hann gaf mér eina fyndustu og mest pirrandi mynd í heimi, Office Space. Hann keypti handa mér Pepsi Max og kom með til mín. Hann keyrir úr Grafarvovgi til að fara í ísbíltúr í Vesturbæinn. Hann lét fjölskylduna mína gefa mér frábæra afmælisgjöf. Til hvers meira getur maður ætlast af vinum sínum? Veit ekki hvað öðrum finnst en ég held að hann hafi náð toppnum!

Var þetta ekki jákvætt blogg?

Kvartanir og kvein

2007-09-03T23:03:00.001Z

Ég vil ekki meiri rigningu í bili. Er ekki hægt að safna undirskriftum eða eitthvað?

Ég vil vera dugleg og skipulögð í lærdómnum. Sennilega hjálpa undirskriftir ekkert í því máli.

Ég sakna bróður míns og frændanna minna tveggja sem eru allir fluttir norður í land. Strákar mínir handa hverjum á ég nú að elda?

Mig langar í verslunarferð til útlanda. Bara að peningar væru ekki nauðsynlegir til að komast til útlanda og til að borga fyrir vörur í búðum.

Á morgun verður komið að því að finna jákvæða punkta.

Tími breytinga

2007-08-29T20:54:00.000Z

Skólinn er byrjaður og ég er hætt að vinna. Það fer ekki á milli mála. Próf í þar-þar-næstu viku. Það virðist við fyrstu sýn ekki svo slæmt. En það er í raun og veru alveg hræðilega skelfilegt. Hvernig fólk ákveður eiginlega svona lagað? Ég hef þjáðst af vaxandi prófleiða síðan í byrjun ágúst. Sniðugt svona loksins þegar ég fer ekki í sumarpróf. Það verður þó allavega gott að ljúka þessu af og fá loksins að fara inn á deildir, þó að ég kvíði nú örlítið fyrir grillinu sem á eftir að fara fram þar.

Skólabyrjunin er samt ekki það eina sem hefur breyst því að ég er enn og aftur orðin ein í kotinu. (Til að koma í veg fyrir misskilning skal það takast fram að Myrra er auðvitað enn hér með mér.) Það hefur auðvitað sína ljósu punkta eins og allt annað en í augnablikinu er pínu erfitt að sjá þá. Ég get allavega keypt mér fullt af nýju dóti því að nú er slatti af tómum skúffum og skápum, sko fann einn af þessum ljósu.

Þar sem að mig vantar nauðsynlega afsakanir til að vera ekki að læra eru því allir (sem ég þekki allavega) meira en velkomnir í heimsókn. Í boði verður kaffi, te, G-mjólk og sódavatn og hugsanlega hrökkbrauð ef þið eruð heppin.

Sjáumst :)

Hver ber ábyrgðina...

2007-08-10T23:38:00.000Z

...á öllum þeim sokkum sem hverfa? Þeir virðast gufa upp einhvertíman eftir að þeir eru teknir af skítugum bífum og áður en hægt er að para þá aftur og koma fyrir í skáp eða skúffu.

Það sem mig langar samt mest að fá skýringu á er: Af hverju týnist alltaf bara annar sokkurinn úr parinu? Hinn liggur stakur eftir og bíður eftir að hans eini, sanni félagi birtist aftur.

Málið er semsagt að þessi einhleypu sokkagrey fara alveg óheyrilega mikið í taugarnar á mér. Ég vil ekki henda þeim ef ske kynni að mótaðilinn birtist skyndilega (því einhverstaðar hlýtur hann að vera) þannig að þeir safnast upp. Hrúgan bara stækkar og stækkar.

Er ég eina manneskjan sem á við þetta vandamál að stríða?

Þóra frænka

2007-08-09T20:26:00.001Z

Löngunin til að blogg hellist afskaplega sjaldan yfir mig þessa dagana eins og augljóst er á þessari síðu.

Kemur þetta til af ýmsu en sennilega er fyrst og fremst um svokallaðan heiladvala. Hann hefur valdið því að gerjunin sem yfirleitt á sér stað inni í höfuðkúpunni á mér hefur hætt (vonandi aðeins tímabundið) og því kemur ekki yfir mig þessi knýjandi þörf til að deila hugsunum mínum með öðrum íslenskumælandi jarðarbúum.

Fyrir rúmri viku gerðist reyndar hinn merkilegasti atburður sem ég er nú loksins að koma mér í að skrifa um. Að kvöldi 31. júli, svona um tíu-leytið, hringdi síminn minn þar sem ég var stödd í vinnunni. Þegar ég svaraði sagði lítil, afskaplega spennt rödd Báru frænku "Sigurbjörg, vatnið er farið. Sjúkrabíllinn er á leiðinni." Þarna var að sjálfsögðu um að ræða legvatn því að litila krílið hennar Hlífu systur minnar hafði ákveðið að koma út í stóra heiminn utan við bumbuna. Þar sem að ég átti að fá að vera viðstödd þá athöfn dreif ég mig upp á spítala og tók með mér ýmislegt til að stytta mér stundir við biðina og ullarsokka til að mér yrði ekki kalt á tánum. Krílið var reyndar að flýta sér afskaplega og kl. 02:26 fæddist lítil stúlkukind sem hlaut nafnið Þóra. Það varð því ekki mikil þörf á dægrastyttingu en móðirin gat nýtt ullarsokkana góðu. Hún Þóra var 50,5 cm og 3895 g og því nokkuð ljóst að hún fékk alla þá næringu sem hún þurfti á þessu upphafsstigi lífs síns. Þóra er að sjálfsögðu svo fögur að erfitt er að horfa á hana sökum ofbirtu sem kemur þá í augun, enda er hefur hún að einhverjum hluta sömu gen og ég.

Þess ber að geta að móður, föður og börnum heilsast vel.

Hér á eftir fylgja nokkrar myndir af þessum nýjasta fjölskyldumeðlim.

Alveg glæný.

Hjá stoltum foreldrum.

Ánægð stóra systir

Frænkurnar á fæðingarstofunni.

Það þarf líka að æfa svipbrigðin til þess að einhver hlusti á mann.

Vera reið...

...og svo brosa.

Svindl-"dagur"

2007-06-30T04:49:00.000Z

Það er svindl-dagur hjá mér núna. Sit í rólegheitum og naga bingó-kúlur. Samkvæmt matarprógramminu sem ég fylgi að nokkru leyti má maður nefnilega að leyfa sér einn svindldag á viku. Klárlega það besta við prógrammið. Nýti þetta út í ystu æsar. Búin að borða humar með rjómasósu og eplaköku með ís í kvöld (eða í gærkvöld kannski frekar). Ég er reyndar ekki alveg viss um að meiningin með því að leyfa svindldag hafi verið sú að borða eins mikla óhollustu og hægt er.

Ég hef ennþá smá áhyggjur af því að ég láti lífið á einni æfingunni en þær fara minnkandi. Ég er búin að vera á næturvöktum í þessari viku og er einmitt á einni slíkri núna. Ég ætti að mæta á æfingu kl. 9-11 í fyrramálið en treysti mér varla þar sem að þá verð ég búin að vaka í tæpan sólahring. Er ég algjör auli?

Annars er eitthvað mjög lítið í fréttum. Þessa dagana mæti ég í vinnuna og sef þess á milli. Ég þoli næturvaktir greinilega mjög illa. Sef miklu meira en venjulega en er miklu þreyttari. Ömurlegt. Ég dáist að fólki sem getur unnið á nóttunni meira og minna árum saman.

Þegar ég kem heim núna á eftir verður Flugmaðurinn lagður af stað í 2. vikna vinnuferð til Afríku. Heimsóknir eru því sérstaklega vel þegnar á næstunni

P.s. Ásláttar og stafsetningarvillur eru afsakaðar með óráði sökum þreytu.

Ég og Boot Camp

2007-06-19T17:31:00.001Z

Byrjaði á Boot Camp námskeiði í dag. Það varð til þess að:

Ég áttaði mig á því að ég er í skelfilega lélegu formi sem kemur fram í mæði, ógleði og blóðbragði.

Ég hef verið alveg ótrúlega þæg í mataræðinu í dag til að reyna að fækka þeim æfingum sem lýsa má með ógleði og blóðbragði.

Nú er ég komin með strengi í hina ýmsu vöðva og göngulagið verður sennilega eitthvað skrýtið á morgun.Æfingin var mjög skemmtileg þrátt fyrir að ég héldi að lífi mínu væri að ljúka um kl. 07:15 í morgun (þegar ég var búin að vera á æfingu í 45 helvítis-mínútur).

Ef árangurinn verður í réttu hlutfalli við erfiðið er þetta samt vel þess virði :)

Nokkrir punktar

2007-06-11T00:37:00.000Z

Ég er auðvitað löngu komin til landsins eins og flestir hafa sennilega giskað á. Ég er hins vegar ekki búin að koma neinu lagi á myndasafnið mikla frá því í ferðinni þannig að þær verða ekki til sýnis alveg strax (þetta gerir letin sko við mann).

Ég er að vinna flesta daga núna. Á samt stundum frí og panta sól alla þá daga. Já, takk! Verð að ná mér í meiri brúnku þar sem að allir spurðu hvernig ég hefði farið að því að halda mér svona hvítri í Thailandi (sem er auðvitað bara dónaleg spurning gott fólk).

Hann Ísak litli bróðir minn er að fara að útskrifast úr HÍ. Hvað skal gefa ungum, einhleypum karlmanni í útskriftargjöf?

Nú er uppþvottavél í íbúðinni minni. Hún er uppáhalds tækið mitt. Núna er mér alveg sama þó að allir sem fá sér bjór heima hjá mér vilji drekka hann úr glösum. Hugtakið "að spara uppvaskið" heyrist ekki lengur á þessu heimili.

Þar sem að ég hef ekki bloggað í tæpan mánuð er sennilega enginn að lesa þetta!

Thailand - 5

2007-05-15T04:15:00.000Z

Jaeja. Ta erum vid komin med rettindi sem advanced open water diver. Voda flott. Erum buin ad profa ad kafa nidur a 30 metra, kafa eftir myrkuri og turftum ad laera ad rata sjalf nedansjavar. Vid erum semsagt buin ad vera her a Koh Tao i 4 daga sem ad mestu leyti hafa farid i kofun. Vid saum hakarla i fyrstu kofuninni okkar her. Alveg mognud upplifun tratt fyrir ad teir hafi nu ekki verid storir.

Kennarinn okkar a namskeidinu sem vid tokum her heitir Santi og er alveg snargedveikur. Hann kafar a kvenkyns nemendum sinum og gerir grin ad ollu og ollum. Svo talar hann ensku med alveg skelfilegum hreim sem er ekkert likur teim hreim sem adrir Thailendingar hafa. Vid skildum tvi ekki allt sem hann sagdi og stundum jafnvel bara ekki neitt. A namskeidinu med okkur voru nokkrir Bretar og einn Kanadamadur og tau skildu ekkert meira! Hann vandist samt otrulega vel greyid og tegar vid vorum buin ad eyda tveimur dogum med honum vorum vid farin ad kunna alveg saemilega vid hann. Hann veit allavega alveg hvad hann er ad gera tegar kemur ad kofun og tad er tad sem skiptir mali.

Til ad drepa ykkur nu ekki alveg ur leidindum skal eg svo haetta nuna ad tala um kofun.

Seinnipartinn a morgun forum vid til Bangkok og verdum komin tangad seint annad kvold. Seint a fostudagskvold leggjum vid svo af stad til Nordurlandanna aftur. Ekki alveg akvedid hvort vid forum til Kaupmannahafnar eda Stokkholms. Vid aettum tvi ad vera komin heim a laugardaginn. Tad er alveg otrulega skrytid ad hugsa um tad ad verda bradum aftur komin heim i kuldan a Islandi, turfa ad maeta i vinnu og allt bara eins og venjulega.

Se ykkur a klakanum.

Yfir og ut.

Thailand - 4

2007-05-09T11:41:00.000Z

Hallo hallo. Langt sidan sidast.

Eins og eg sagdi leigdum vid okkur bil og keyrdum til sudur Thailands. Tad tok okkur trja daga ad komast hingad til Krabi og tad rigndi naestum allan timann!

Fyrsta daginn komumst vid nu ekki mjog langt og gistum i bae um 300 km fra Chang Mai sem heitir Sukothai. Vid fundum alveg yndislegt litid gistihus tar og fengum bungalow fyrir nottina. Eins og eg sagdi var allt a floti og i gardinum var fullt af froskum og litlum edlum. Eg helt ad eg naedi Fridrik bara ekki inn svo gladur vard hann ad sja loksins froska i tessu landi. Hann nadi einum en var vinsamlegast bedinn um ad sleppa honum og tvo ser um hendurnar tar sem ad tetta vaeru eitradar kortur. Eftir tad neyddist hann tvi til ad lata ser naegja ad horfa. Gistingin, kvoldmatur, einn bjor a mann og morgunmatur kostadi okkur taeplega 3000 ISK - veit nu ekki alveg hvort madur hefur efni a tvi ad vera i tessu landi ;)

Daginn eftir kiktum vid a Gomlu-Sukothai sem er eins og nafnid gefur til kynna gomul borg. Tad sem ad stendur eftir eru eiginlega bara hluti af borgarveggjunum og svo fullt af rustum af hofum og Buddha-styttum. Tetta var alveg rosa flottur stadur en tvi midur var svo mikil rigning ad vid nenntum ekki ut ur bilnum og keyrdum tvi bara i gegn. Afram heldum vid ad keyra - eda rettara sagt Fridrik tvi ad eg er ekki med okuskirteini og matti tvi ekki keyra. Tennan dag komumst vid miklu lengra, keyrdum um 600 km, tratt fyrir ad turfa ad keyra i gegnum uthverfi Bangkok og umferdin tar er alveg skelfileg. Vid gistum i bae sem heitir Phetchaburi (minnir mig allavega) tar sem vid fundum gistingu a alveg hraedilega skitugu gistiheimili, sem reyndr kallar sig hotel. Sturtan var ror og husgognin voru gjorsamlega ad hrynja i sundur. Tad versta var samt hvad allt var skitugt. Veggirnir sem hofdu einhvertiman verid maladir hvitir voru med alls kyns litum skitarondum. Tad eina sem var jakvaett tar var ad tad var gekko (litil edla) i herberginu. Hann stod sig greinilega vel i flugnaati tar sem ad tessa nott fengum vid engin bit tratt fyrir ad ekki vaeri haegt ad loka gluggunum alveg. Vid fordudum okkur af tessum stad um leid og vid voknudum.

Naesta tag komumst vid alla leid til Krabi. Adeins adur en vid nadum hingad saum vid Buddista-nature park. Tad var mjog fallegur stadur. Madur gengur inn i gegnum eins og gat a klettavegnum og ta opnast tonokkud stort svaedi sem er eins og hola ofan i klettinn. Fullt af opum halda sig svo tarna hja munkunum tannig ad tad voru teknar ca. 60 apamyndir i vidbot. Her i Krabi fundum vid svo alveg agaetis gistiheimili sem heitir A Mansion. Tar eru herbergin sem betur fer hrein, fyrir utan nokkra litla maura. I herberginu okkar tar er lika gekko, alveg pinulitill greyid. Orugglega ekki nema 6 cm. Fridrik nefndi hann og ber hann nu nafnid Steingrimur.

Fyrsta daginn her i Krabi var nu ekki mikid gert. Vid roltum um og keyrdum svo til Ao Nang sem er litill stranbaer her stutt fra. Tar fundum vid bud med kofunarbunad og keyptum okkur froskalappir og sko ur neopreni. Pinu verid ad spreda. Naesta dag forum vid i siglingu til eyju sem heitir Koh Hong. Tar rerum vid a kajak umhverfis eyjuna, snorkludum og slokudum a. Vid eyjuna er eins og litid lon i sjonum og tagad tyrptust hundrudir fiska. Vid gafum teim melonur og ananas ad borda en tad var greinilega ekki nog tvi ad einn teirra beit mig til blods i fingurinn. Bolvadar frekjur. Tennan dag var sol allan daginn og vid possudum okkur vist ekki alveg nogu vel a henni blessadri tvi ad nu erum vid sjalflysandi bleik a litinn a voldum svaedum. Um kvoldid for Fridrik ad skila bilaleigubilnum. Eg lagdi mig og tegar eg vaknadi var hann ekki kominn. Eg beid og beid. Eftir ruma tvo tima var eg farinn ad hafa virkilegar ahyggjur af tvi ad eitthvad hefdi komid fyrir. Eg reyndi ad hringja i hann en fekk bara talholfid. Tegar hann loksins kom var eg farin ad velta tvi alvarlega fyrir mer hvert eg aetti ad snua mer til ad finna hann ef hann hefdi lent a sjukrahusi. Eg held ad eg hafi aldrei verid jafn fegin ad sja manninn.

I morugun voknudum vid svo snemma og forum i kofun. Vid vorum vel varin fyrir solinni tennan dag - solarvorn, sun-block og bolir med sidum ermum. Vid forum i tvaer kafanir, um 40 minutur hvor. Tad var alveg aedislega gaman ad komast loksins aftur i ad kafa. Vid hofdum sma ahyggjur af tvi ad vid hofdum ekki kafad i um 10 manudi og dive-masternum sem for med okkur fannst tad nu ekkert serstaklega snidugt heldur. Vid stodum okkur hins vegar alveg otrulega vel og allt gekk eins og best verdur a kosid. Skyggnid var reyndar ekki nema 5-6 metrar en vid saum samt alveg fullt af alls kyns fiskum og meira ad segja saehest. Vid vorum med litla vatnshelda myndavel og vonandi hefur eitthvad af myndunum tekist saemilega. Tegar forum i seinni kofunina var vedrid ekkert serstakt lengur, farid ad kvessa og rigna. Nidri i sjonum var allt med kyrrum kjorum en tegar vid komum aftur upp var ordin talsverdur oldugangur. Skipstjorinn var buinn ad taka fram bjorgunarhringi og allt. Oldugangurinn vard til tess ad vid logdum ad i Krabi en ekki i Ao Nang tadan sem vid forum. Nuna er semsagt alveg hellirigning og buid ad rigna i marga tima.

Um kl. 4 a morgun leggjum vid svo af stad til Koh Tao (eyjunnar i Thailandsfloa sem vid aetlum ad vera i viku a) og verdum komin tangad um kl. 07 tann 11. Tad er voandi ad tad rigni minna a okkur tar og tad verdi minni vindur svo ad skyggnid i sjonum verdi nu saemilegt tvi tar aetlum vid a kofunarnamskeid.

Latum heyra i okkur aftur vid taekifaeri.

Folkid i Thailandi sem er ekki lengur svo hvitt.

Thailand - 3

2007-05-03T10:03:00.000Z

I gaer leigdum vid okkur bil og keyrdum nordur fyrir borgina (Chang Mai) til ad skoda okkur svolitid um. Vid byrjudum daginn a stad sem kallast Monkey Farm. Vid heldum ad tar vaeru margir apar og gaman ad koma (audvitad var eg ad vonast eftir gibbonum). Tad kom hins vegar i ljos ad tetta er pinulitill stadur med adeins einni apategund, sem eg get i augnablikinu alls ekki munad hvad heitir. Aparnir voru allir bundnir eda i pinulitlum burum. Tad var haegt ad klappa tveimur litlum (1 og 1 1/2 ars) og haegt ad fa ad sitja med tann tridja. Svo var syning sem var voda flott en lika hraedilega sorgleg - eins og stadurinn sjalfur. Aparnir geta laert alls kyns kunstir og eru m.a. notadir til ad na i kokoshnetur upp i tre.

Eftir tessa halfgerdu fyluferd forum vid i Go-kart. Tar var eg vaegast sagt tekin illa i rassgatid, drengfjandinn hringadi mig a.m.k. trisvar. Urrr. Tratt fyrir ad hafa verid svekkt med apa-gardinn akvadum vid nu samt ad fara og skoda fila-gard. Hann reyndist alveg aedislegur. Tar var lika syning a ymsum sem filar geta og tad er alveg otrulegt hvad teir eru fimir tratt fyrir ad vera svona storir og tungir. A syningunni var bedid um sjalfbodalida og eg skellti mer liklegast. Eg var latinn fara i pilukast keppni vid ungann fil. Tad hlytur ad gledja ykkur oll osegjanlega mikid ad eg vann. Tegar syningin sjalf var buin fengum vid svo taekifaeri til ad klappa filunum og lata taka myndir af okkur med teim tar sem teir halda utan um okkur med rananum.

I gaerkvoldi forum vid svo a sma bar-rolt og spiludum pool. Af einhverjum oskiljanlegum astaedum tapadi eg lika tar fyrir Fridrik. Skil bara ekkert i tessum fjanda. Vid kynntumst tveimur breskum monnum sem bua her og annar teirra gerdi allt sem hann gat til ad fa Fridrik til ad flytja hingad. Svei mer ef hann er lika ekki bara alvarlega ad hugsa um tad. Vid hittum lika alveg yndislegar stelpur sem voru ad afgreida a barnum. Ein teirra sa bitin a mer og lagdist a hnen a golfid til ad bera eitthvert thailenskt tofralyf a tau. Tad er ekki haegt ad segja annad en ad folkid her se nu bara alveg agaett.

I morgun leigdum vid okkur svo litil motorhjol og runtudum um baeinn. Vid letum lika loksins verda af tvi ad fara i oliunudd. Tad var algjor draumur og kostadi ekki nema 2000 isk. fyrir okkur baedi i klukkutima.

A morgun leggjum vid svo af stad keyrandi sudur a boginn. Vid aetlum okkur ad taka nokkra daga i ad keyra i rolegheitunum til sudur-Thailands. Tann 11. eigum vid nefnilega bokad herbergi a eyju vestur af landinu sem heitir Ko Tao.

P.s. Eg veit ad tid truid tvi ekki en eg er buin ad fara baedi i fot- og handsnyrtingu og er med bleikt naglalakk!

Thailand - 2

2007-05-01T12:33:00.000Z

Jaeja. Tad hefur nog gerst sidan eg skrifadi sidast. Her kemur sagan i grofum drattum:

Vid forum semsagt med naeturlest fra Bangkok til Chang Mai. Ferdin var hin finasta tratt fyrir ad klefinn vaeri nu ekki stor. En hann rumadi okkur og tad er tad sem skiptir mali. Vid svafum betru tessa nott en vid hofdum gert adur i ferdinni, sennilega ut af taegilegu ruggginu i lestinni. Tegar vid komum a afangastad um 1 klst. of seint (hef a tilfinningunni ad Thailendingar hafi ekki miklar ahyggjur af nakvaemum timasetningum) toludum vid vid einhverja konu i "tourist information" bas og hun fylgdi okkur a hotelid. Keyrslan kostadi 30 baht (um 60 isk) fyrir hvort okkar a hotelid. A leidinni reyndi konugreyid hvad hun gat ad fa okkur til ad fara i alls konar ferdir a sinum vegum, brosandi og hlaejandi eins og allir her.

Tegar vid komum a hotelid komumst vid ad tvi ad tad sem vid heldum ad vaeri bara svona allt i lagi er barasta alveg hreint glerfint hotel. Tar ad auki var herbergid sem vid attum ad fa ekki laust tannig vid fengum miklu flottara herbergi i stadinn. Luxuslif!

Her i Chang Mai er allt trodfullt af ferdamonnum og tar af leidandi lika af teim sem reyna allt til ad graeda a teim. Fyrsta daginn her roltum vid bara um. Vid vorum stoppud a fornum vegi af folki sem vildi spjalla. Einn teirra var Japani sem var lika ad ferdast her. Hann benti okkur ad tad vaeri serstakt kynningarverd i klaedskerabud sem rekin er af rikinu tennan dag. Fridrik dreif sig tvi tangad og pantadi ser jakkafot og tvaer skyrtur (a aldeilis eftir ad verda flottur a tvi). Naesta dag skodudum vid gamalt budda-hof sem var alveg rosalega flott en laus vid allan iburdinn sem ad einkennir svo morg hof her. Vid keyptum okkur svo ferd upp a fjall i nagrenninu tar sem er mjog stort og flott budda-hof (tess ma geta ad tau eru bokstaflega ut um allt tessi hof). Tar er mikill iburdur og fullt budum medfram tessum 300-og eitthvad troppum sem tarf ad labba til ad komast tangad. Eg freistadist til ad kaupa mer tvo litla Budda, einn happy-budda og annan Thailenskan, teir kostudu heilar 900 isk.

A sunnudag logdum vid svo af stad i tryggaja daga gongu. Vid hofdum nu aetlad ad kaupa okkur 5 daga gongu en tad er vist ekki i bodi tegar tad er hot season. Ferdin hofst a tvi ad okkur var keyrt i "fila-budir" og forum tar a filsbak. Tad var otrulega skrytin upplifun. Fyrst satum vid i stol sem festur er a bakid a filnum eins og hnakkur en svo fengum vid baedi ad profa ad sitja a halsinum a filun. Ta liggja faeturnir a manni nidur medfram halsinum og eyrun liggja utan a fotleggjunum. Tad kom okkur svolitid a ovart hvad teir fara haegt yfir en tad er vist af tvi ad teir passa svo vel hvar teir stiga nidur. Tvi naest hofst gangan. A fyrst klukkutimanum attudum vid okkur a ad vid tokum of mikid med okkur og ad tad er alveg fjandi erfitt ad labba upp brekkur i svona hita. "Ad svita" fekk algjorlega nyja merkingu. Eg helt satt ad segja ad eg myndi deyja. En vid komumst upp ad lokum. Vid vorum bara fjogur i hopnum. Med okkur var einn Frakki og einn Sudur-Koreumadur. Leidsogumadurinn okkar var svo hann Nong sem er alveg frabaer. Tegar vid vorum ad berjast vid ad komast upp tessa longu brekku tok Nong skyndilega a ras ut af signum kallandi og berjandi i jordina. Hann hafdi sed snak og elti hann eins og odur madur. Hann greip upp spytu og bardi snakinn med henni eins og vitlaus. Tegar hann var buinn ad drepa/rota snakinn tok hann svo upp hnif og hjo af honum hausinn. Sigri hrosandi sagdi hann okkur svo ad vid fengjum ad smakka snak i kvoldmat. Tegar vid komum i torpid tar sem vid gistum urdu allir mjog anaegdir ad fa snak. Adalmaturinn okkar var nu sam kjuklingarettur en vid fengum lika sma af snaknum. Hann var reyndar svo sterkt kryddadur ad eg og Frakkinn gatum ekki nema rett smakkad, en hann smakkadist bara agaetlega. I torpinu vorur tveir litlir stakar sem voru rosa spentir tegar vid tokum af teim myndir og leyfdum teim svo ad sja taer. Um nottina svafum vid a fletum i bambuskofa.

Vid voknudum eldsnemma vid hanagal, enda er fullt af lausum haenum (og t.a.l. honum og ungum) i ollum torpum her. Tegar eg vaknadi almennilega komst eg ad tvi ad tad hofdu um tad bil 20 bit baest i hop teirra 20 sem eg hafdi fyrir, gaman, gaman. Tad gleymdist samt fljott tegar vid logdum af stad i gonguna enda matti eg hafa mig alla vid i ad halda i vid Nong og Koreumannin (Jay)/ Eftir um 1 1/2 tima gongu komum vida ad ltilli a tar sem vid bodudum okkur. Vid Fridrik og leidsogumadurinn stukkum fram af kletti og ofan i hyl tar fyrir nedan, oborganleg lifsreynsala tetta. Stutt fra fossinum var svo torp sem ad vid stoppudum i og fengum okku hadegsmat. Vid aetludum aldrei ad geta drullad okkur af stad aftur tvi ad tad var svo heitt, meira ad segja Nong var nog bodid. En af stad forum vid og eftir nokkurra tima gongu komum vid i stort torp (ca. 40 fjolskyldur) tar sem ad vid gistum tessa nott. Fljotlega eftir ad vid maettum hrugudust i kring um okkur litlir krakka-pukar. Tau voru svo saet ad vid vorum alvarlega ad hugsa um ad stela nokkrum. Eg leyfdi teim ad taka myndir og vidjo a litlu myndavelina mna og vid tokum fullt af myndum af teim. Tau voru svo otrulega glod yfir ollu og vor anaegd bara yfir ad fa ad sitja hja okkur. Tad er eiginlega ekki haegt ad lysa teim tid verdid bara ad bida eftir myndunum. Um kvoldid klaeddu svo nokkrir krakkar sig i hefdbundin fot aettbalksins og donsudu og sungu fyrir okkur. Aftur svafum vid svo i bambushusi.

Tennan morgun byrjudu blessadir hanarnir enn fyrr ad gala og haettu ekki fyrr en um kl. 7, skrattakollarnir. Eftir morgunmat forum vid i stutta og heldur letta gongu nidur ad a tar sem ad vid forum i rafting, fyrst a gummibat og svo a bambusfleka. Tad var ekki mjog mikid vatn i anni tannig ad stor hluti timans a gummibatnum for i ad losa sig af steinum. Tegar ain vard lygn stukkum vid svo uti og syntum sma - alveg otrulega gott tegar madur er gegblautur af svita. Eftir tetta var svo keyrt aftur i baeinn og tar med var tessari yndslegu, en erfidu, ferd lokid.

A hotelinu nyttum vid okkur svo nutimataegindi i botn en eg kann vissulega mun betur ad meta heita sturtu nuna en adur. Nuna sit seg svo a internet-cafe klora mer i bitunum minum og rembist vid ad koma tessari sogu a blad. Eg se ad tessi saga er ordin ansi long og haetti tvi nuna. Vonandi endist einhver til ad lesa tessa longu-vitleysu.

Solarkvedja fra Thailandi.

Tailand - 1

2007-04-26T05:13:00.000Z

Nu erum vid buin ad vera i Bangkok 4 daga (tetta er sa fimmti). Tad er buid ad vera mjog gaman og vid buin ad sja mikid. Mikinn iburd og mikla fataekt hlid vid hlid.

Her er lika alveg gedveikislega heitt. Taeplega 40 stiga hiti, mikill raki og sol. Vid svitnum thad mikid ad svitinn bokstaflega rennur nidur okkur og erum thar af leidandi eins og svin her. Eg vek lika mikla athygli her af tvi ad eg er svo hvit og med ljost har. I dyragardinum i gaer var Fridrik stoppadur af nokkrum Buddha-munkum sem spurdu hvadan vid vaerum eiginlega og furdudu sig a tvi hversu hvit vid vaerum.

Vid erum buin ad sigla um a sem rennur i gegnum borgina og einnig um siki sem eru inn a milli husa i sumum hverfunum. Vid erum lika buin ad fara i almenningsgard her og komumst ta ad tvi ad her er mikill fjoldi af edlum og skjaldbokum alls stadar tar sem vatn er.

Fyrsta daginn forum vid i gard sem heitir Crocodile farm eda Snake farm eftir tvi a hvada skilti madur les. Tar voru ymis dyr og vid eignudumst vin: litinn gibbon-apa sem heitir Cappuccino sem vid fengum ad halda a. Tad voru reyndar tveir adrir gibbon apar i gardinum i burum. Their koma til okkar um leid og vid komum upp ad burinu og letu klora ser. Ef einhver vill gefa mer gibbon-apa er tad vel tegid :)

I gaer forum vid svo i dyragard. Thad var audvitad alveg brjalaedislega heitt eins og adra daga her og dyrin voru alveg ad kafna. Flest lagu thau bara eins og daud i skugga.

Nuna a eftir forum vid med naeturlest til borgar i nordur-Tailandi sem heitir Chang Mai. Tadan erum vid ad vona ad vid komumst i nokkurra daga gonguferd og getum skodad thorp uppi i fjollunum og sed hvernig folkid i svokolludum hill-tribes lifir. Tad er lika a dagskra ad fara a filsbak tharna nordurfra.

Eg skrifa eitthvad meira vid taekifaeri. Gaeti skrifad heila bok en nenni thvi ekki a tessu lyklabordi. Thad er allavega i godu lagi med okkur (veit ad sumir eru pinu stressadir) og vid ekkert buin ad fa i magann enn.

Kvedja fra hvitingjunum i Tailandi :)

Vinnan...

2007-04-01T19:41:00.000Z

Er í vinnunni. Gæti dáið úr leiðindum. Það tæki örugglega enginn eftir því fyrr en ég ætti að gefa rapport í kvöld. Er gott eða vont ef enginn þarf á manni að halda í vinnunni? Ég er hreinlega ekki viss.

Kynlíf mínus forleikur?

2007-03-26T23:00:00.000Z

Er kynlíf með ZERO forleik endilega betra en það sem er með forleik?

Helgin í stuttu máli

2007-03-26T22:58:00.000Z

Um helgina hitti ég frændsystkini mín í Hveragerði. Þar var haldin hin besta skemmtun þar sem tekist var á í SingStar af miklu kappi. Ég get því miður ekki haldið því fram að ég hafi farið með sigur af hólmi en ég reyndi mitt besta, annað verður ekki sagt. Þetta var alveg stórskemmtileg samkunda og vonandi endurtökum við þetta aftur áður en of langt um líður.

Hið ljúfa líf

2007-03-15T00:32:00.000Z

Jæja þá er hin gerðin af daglega lífinu tekin við í bili, þ.e. vinnulífið. Byrjaði að vinna í dag eftir rúma mánaðarhvíld. Sem betur fer hefur lítið breyst þar og flestir samir við sig. Ekkert gaman að þurfa að læra allt upp á nýtt þegar maður kemur aftur.

Í dag hélt ég líka í fyrsta skipti í langan tíma kynfræðslu-fyrirlestur. Það var alveg ótrúlega gaman. Ég kannski svolítið ryðguð en krakkarnir hressir og skemmtilegir. Var búin að gleyma hvað það gefur manni mikið að gera þetta.

Í augnablikinu sit ég hins vegar hér heima í rólegheitunum ásam honum Friðrik. Komin í kósý-fötin, með rauðvínsglas í annarri hönd og kúbönska gleðitónlist í eyrunum.

Góður dagur, það er óhætt að segja það.

Blogg Guðbjargar Hildar

2007-03-15T00:14:00.000Z

Þar sem að Guðbjörg Hildur tók pistilinn sinn út af síðunni set ég hann hér inn:

Forsíðumyndin blandar saman sakleysi barnæskunnar (stúlkan er umkringd böngsum og loðdýrum) við tákn úr klámi (líkamsstellingin, opni munnurinn og háu hælarnir). Útkoman verður hin saklausa hóra, hin hreina mey sem í einni svipan verður klámmyndadrottning. Er slík notkun á táknum, sem eru flestum fullorðnum vel kunnug, viðeigandi á bækling sem er ætlaður fermingarbörnum?

Á öðrum stað í auglýsingablaðinu eru myndir af þekktri söngkonu sem máluð er eins og Barbie-dúkka. Í texta segir: „Barbie loves MAC er ný litalína sem kemur aðeins í takmarkaðan tíma sérstaklega hönnuð fyrir allar lifandi dúkkur.“ Eru stúlkurnar, sem eru um það bil að fara að fermast, aðeins lifandi dúkkur?

Skilaboðin sem auglýsingablað Smáralindar sendir ungum stúlkum eru þessi: Verið undirgefnar kynlífsdúkkur.

Já gott fólk, þar hafið þið það.

Klám?

2007-03-08T10:19:00.000Z

Í Fréttablaðinu í dag er talað við Guðbjörgu Hildi Kolbeins sem sakar forsvarsmenn Smáralindar um að blanda saman sakleysi æskunnar og klámi í nýjum fermingarbæklingi. Kona þessi er doktor í fjölmiðlafræði og skrifar um þetta pistil á bloggsíðu sinni.

Í gær þegar téður bæklingur kom inn á heimili mitt leit ég yfir hann og sá ekkert athugavert við myndirnar í honum. Hvorki forsíðumyndina eða einhverja aðra. Að vísu er stellingin á forsíðumyndinni vissulega nokkuð sérstök en ég tengi hana meira við að stúlkan á myndinni hefði átt að láta eins og dúkka eða tuskudýr og hefði þess vegna ekki yfir öllum þeim liðamótum að ráða sem við höfum flest. Á myndinni er hún enda umkringd böngsum og öðrum tuskudýrum.

Eva Dögg Sigurgeirsdóttir, sem ber víst ábyrgð á þessum ósköpum, segir í Fréttablaðinu: "Þetta er fermingarbarn og hún sér bara einhvern sora út úr þessu. Það hlýtur að vera á hennar ábyrgð." Ég er eiginlega alveg sammála.

Það má sjálfsagt finna eitthvað klámfengið í flestu ef bara er leitað nægilega vel. Myndir af börnum í sundfötum að leika sér á strönd, eða jafnvel allsnöktum í baði, eru bara það fyrir mér: Myndir af börnum. Þeir sem eru að leita að einhverju ósiðlegu sem og þeir sem að hafa kynferðislegan áhgua á börnum geta sjálfsagt séð eitthvað annað út úr þeim. Sennilega þyrfti því að rannsaka þann stóra hóp fólks sem hefur sett myndir af lítið, eða jafnvel ekkert, klæddum börnum sínum á netið. Kannski má meira að segja finna þar inn á milli myndir þar sem að börnin eru í annarlegum stellingum. Ja sussubía...meira dónafólkið!

Próftíð búin og týnd kisa

2007-03-05T22:53:00.000Z

Úff... mér finnst eins og þessi próftörn hafi varað í heilt ár. Ég er gjörsamlega, algjörlega búin. En nú eru prófin búin líka og það er nú gott.

Ætli næstu dagar fari ekki í að reyna að skafa prófmyglunna af mér og koma með einhverjum ráðum lit á húðina á mér. Svona til þess að ég sjáist á árshátíðinni.

Það er nú annað mál en voða sæt kisa villtist inn til hans Ísaks bróður míns í gærkvöldi eða í morgun. Það er mynd af Snúllu, eins og kisan hefur verið nefnd, á blogginu hans. Ef einhver veit hver á þessa kisu má sá hinn sami gjarnan láta mig, nú eða Ísak, vita.

Mest...

2007-03-02T17:18:00.000Z

...af hárinu er farið. Miklu betra svona

Reyndar eru bæði ég og hárið frekar sjúskuð á þessari mynd enda er hún tekin nálægt miðnætti.

Endilega látið heyra hvað ykkur finnst um breytinguna.

Karlmenn og hár

2007-03-01T18:29:00.000Z

Undanfarna daga hef ég tekið eftir því að karlmenn vilja upp til hópa endilega hafa okkur konurnar (allavega þessar ungu) með sítt og mikið hár. Frá því að ég ákvað að klippa mig hef ég fengið óskir um að hætt við það eða allavega bíða frá ýmsum aðilum. Aldursbilið er breytt og spannar a.m.k. 22 ára til 88 ára. Bæði hann afi minn og Friðrik hafa bent mér á, eftir kvartanir mínar um hversu mikið verk sé að hafa þetta mikla hár, að það sé hlutverk konunar að hafa sítt hár hvort sem það sé nú þægilegt eða ekki. Afi tók skýrt fram að hann yrði skotinn í stelpum í sjónvarpinu af því einu saman að sjá sítt hár.

Reyndar eru það ekki bara karlmenn sem hafa sett út á þessar áætlanir mínar. Sjö ára frænka mín sagði þegar ég tjáði henni að hárið fengi að fjúka: Nei, þá verðurðu ekkert flott lengur! Meira að segja klippikonan mín jesúsaði sig víst í dag þegar hún frétti hvað hún á að framkvæma.

Ótrúlegt, alveg hreint ótrúlegt, hvað öðrum virðist þykja vænt um hárið sem er á hausnum á mér.

P.s. Ég vona að ég hafi ekki valdið neinum vonbrigðum með því að fjalla um mitt eigið hár í þessum pistli en ekki líkamshár karlmanna. Reyndar hef ég mikinn áhuga á hárvexti karlmanna og ekki er ólíklegt að hér birtist pistill um hann í fyllingu tímans.

Alein

2007-02-28T09:38:00.001Z

Mikið er yndislegt að vera hér ein í heiminum og geta sungið hátt og falskt með hallærislegri tónlist án þess að fara í taugarnar á nokkrum, tja eða þurfa að skammast mín.

Eina verurnar sem gæti heyrt í mér eru hrafnarnir. Kannski halda þeir að hér inni sé dýr í dauðateygjunum og hugsa sér gott til glóðarinnar.

Lokaspretturinn

2007-02-27T10:28:00.001Z

Jæja, þá er ég komin í sveitina. Dekur og mömmumatur framundan, ásamt einhverjum lærdómi víst. Hér norðan heiða ríkir Vetur konungur og það er voða huggulegt að sitja inni í hlýjunni og horfa á skafrenninginn fyrir utan gluggan. Fæ mér kannski bara kakó til að fullkomna upplifunina.

Gangi allt saman upp hjá mér tek ég próf á mánudag og fer svo í frí frá skóla þangað til næsta haust. Mér finnst gaman í skóla en það er líka gott að breyta til.

Í tilefni breytinga ætla ég líka að klippa hárið á mér stutt. Eða réttara sagt borga einhverjum öðrum fyrir að gera það. Friðrik vill að ég liti það líka dökkt. Aldrei að vita hvað manni dettur í hug.

Skál fyrir tilbreytingu.

Tuðblogg

2007-02-23T10:41:00.001Z

ATH. Þetta blogg var skrifað í gær en þá vildi Blogger ekki leyfa mér að setja það á netið.

Áðan horfði ég á löggumann á mótórhjóli keyra beint yfir gatnamót, í veg fyrir mig sem var að fara að beygja, af akrein sem skýrt og greinilega er merkt sem beygjuakrein til hægri. Reyndar keyrir fólk meira og minna beint yfir af þessari akrein þannig að maður passar sig ná á þessu, en löggan, það finnst mér nú einum of.

Rétt áður þegar ég var að keyra yfir Hringbraut hina nýju, á grænu ljósi og af akrein sem til þess er gerð, ók einhver karl í veg fyrir mig. Ég lagðist að sjálfsögðu á flautuna, enda finnst mér alveg hreint óþolandi þegar fólk gerir þetta og ótrúlegt að ekki verði fleiri slys. Maðurinn horfði á mig eins og ég væri eitthvað skrýtin.

Þegar ég var svo að fara að beygja inn í mína ástkæru heimilisgötu, sem eins og allir vita er einstefnugata, mætti ég bíl þar á horninu og neyddist til að nema staðar til að klompa ekki bílinn "minn". Ég lagðist aftur á háværu Skoda-flatuna. Ungi maðurinn við stýrið varð reyndar frekar skömmustulegur og baðst afsökunar með miklu handapati og skemmtilegum svipbrigðum þannig að ég fyrirgaf honum eiginlega. Þetta er hins vegar ekki í fyrsta sipti sem bíll keyrir þessa götu öfugt. Næstum á hverjum degi sé ég einhvern sem keyrir á móti einstefnunni. Í gær sá ég einn keyra hana öfugt, í fyrradag var næstum búið að keyra hana móður mína niður þar sem að hún gætti þess ekki að líta á móti einstefnunni áður en hún keyrði yfir götuna og á laugardaginn lenti ég í því að einhver strákskratti var næstum búinn að keyra á mig þegar hann beygði inn götuna á móti mér. Reyndar datt mér ekki í hug að víkja fyrir við komandi heldur bíbbaði og benti honum á "innakstur bannaður"-merkið. Hann brást reiður við og bíbbaði á móti. Hleypti mér þó framhjá en elti mig svo með flauti og látum.

Ég var að hugsa um að hringja í lögguna um daginn og biðja þá að fylgjast aðeins með því hvernig er ekið í þessari götu, bæði með tilliti til akstursstefnu og þess að það er 30 km hámarkshraði í hverfinu. Nú er ég hins vegar á báðum áttum fyrst að lögreglan fer ekki eftir umferðrarreglunum sjálf.

Kveðja, Gribban.

Próftíð

2007-02-19T22:01:00.000Z

Jæja þá er fyrsta prófið. Held það hafi gengið í þetta skiptið ;) Loksins, loksins.

Nú tekur við meinafræðilestur í tvær vikur. Fyrri vikuna á ég eftir að horfa ofan í smásjá klukkustundum saman ásamt bókalestri og seinni vikuna verður nefið hreinlega grafið ofan í bók með óhugnarlegum lýsingum og jafnvel enn ljótari myndum. Ja, þetta er allavega planið.

Í kvöld er hins vegar bara slökun og rauðvín. Það veitir ekki af að safna smá orku fyrir næstu törn.

Alveg fullt af bloggefnum í hausnum á mér en þau verða að bíða betri tíma. Móðir mín lísti mér sem sprunginni blöðru áðan og þannig líður mér. Er algjörlega búin, en þetta er allavega góð þreyta :)

Háfaði

2007-02-15T10:35:00.000Z

Þegar ég var lítil skildi ég ekki af hverju stafirnir f og v væru báðir til. Ég gat alveg ómögulega gert mér grein fyrir því hvor átti að vera hvar. Í gær komst ég að því að ég á ennþá við þetta vandamál að stríða. Ég gat alls ekki skrifað orðið "hávaði" því að ég vissi ekki hvor stafsskrattinn átti að vera í því.

Er þetta eðlilegt? Ég bara spyr.

Skilgreining á kaldhæðni?

2007-02-14T11:16:00.001Z

Ég er með bólginn og auman vísifingur á hægri hendi. Það er af því að ég barði honum í vegg í gær...

...meðan ég var að dansa THE SAFETY DANCE!

Til nánari útskýringar held ég að það sé best að skella bara hér inn myndbandinu við lagið Safety dance með hljómsveitinni Men Without Hats.

Fleiri, stærri álver?

2007-02-13T15:42:00.001Z

Er ekki komið nóg af álverum í bili? Hvernig væri að bíða aðeins og sjá hvað gerist ef við byggjum ekki ný álver og stækkum ekki þau sem fyrir eru í nokkur ár. Held að það væri ekkert hræðilegt.

Vilja Íslendingar virkilega að efnahagur lands og þjóðar sé á valdi erlendra stórfyrirtækja sem geta pakkað saman og farið þegar og ef þeim hentar.

Skýrasta dæmið um slíkt er hótun Alcan um að hætta bara með álverið í Straumsvík fái þeir ekki í gegn stækkun. Þetta sýnir að þeir ætla sér að snúa upp á hendurnar á íbúum Hafnarfjarðar. Reyndar græðir Hafnafjarðarbær ekki mikið á því að hafa álverið í túnfætinum, en það er kannski best að láta liggja á milli hluta þar sem að talsmenn Alcan vilja frekar ræða mögulega tekjuaukningu bæjarins ef af stækkun og breytingum á sköttum og gjöldum álversins verður heldur en reikna með sama fyrirkomulagi áfram. Það er hins vegar ekkert sem tryggir íbúum bæjarins að breytingar verði gerðar ef álverið verður stækkað. Með því að tala um greiðslur til Hafnarfjarðar ef hitt og ef þetta eru talsmenn álversins að ljúga að þjóðinni. Alcan reyndi reyndar líka að ávinna sér hilli hins almenna borgara með mútum um jólin eins og frægt er orðið. Þótti mér þar heldur ómaklega vegið að heiðri Hafnfirðinga. Það verður að reikna með því að fólk láti ekki stórt mál eins og stækkun álvers ráðast af því að það fékk disk með Bó í jólagjöf.

Það er þó ekki framkoma Alcan sem fékk mig til að hripa þetta niður heldur að Geir H. Haarde sagði víst í Silfri Egils að hann gæti hugsað sér að sjá þrjú álver rísa hér á landi fljótlega. Talaði um á árunum 2015-2020. Þetta þykir mér ansi gróft.

Hvað gerist ef hann fær sitt fram? Hvað gerist ef öll álfyrirtækin fara að nota sömu aðferðir og Alcan; hótanir og mútur? Hvað gerist ef áliðnaðurinn dregst saman? Hvað með útblásturinn frá þessum álverum? Hvar á að fá raforkuna fyrir þau öll? Hvað með þensluna sem er víst á hinu litla Íslandi?

Á kannski að virkja bara út um allt? Hvað með komandi kynslóðir? Er virklega rétt að virkja ár sem nú þegar eru stór segull fyrir ferðamenn og skapa atvinnu án þess að þeim sé breytt á nokkurn hátt bara til að geta fengið eitt enn álverið?

Hvar á að draga línuna?

(Upp)Deit-helgin mikla

2007-02-11T20:51:00.000Z

Jæja. Helgin sem átti að fara í að læra frá upphafi til enda fór að stórum hluta í björgunaraðgerðir á tölvunni minni. Nú er búið að setja allt upp á henni aftur og "uppdeita" hið yndislega Windows XP stýrikerfi óslitið í hálfan sólahring til að það sé nú í lagi. Eins og gefur að skilja tók þetta talsverðan tíma frá náminu og olli einnig þónokkrum pirringi sem tók enn meiri tíma frá náminu.

Nú verð ég bara að trúa því að hún eigi ekki eftir að hiksta það sem eftir ef af próftíðinni og styðja mig með ráðum og dáð. Til að auka líkur á því breytti ég nafninu á henni úr "Ikke bruglige maskine" í "Lærufélaginn". Kannski líkar henni það betur.

Góðu fréttirnar eru samt þær að nú er ég að gera hluti sem ég var í örvæntingu að reyna að gera á milli grát- og hræðslukasta daginn fyrir lyfjafræðipróf í fyrra. Það er umtalsverð framför þar sem að nú er vika í prófið.

Síðasti kennsludagur fyrir próf er á morgun og það er ekki laust við að stressið sé að byrja að læsa sér í kroppinn. Það veldur því að ég er afskaplega meir og háð öðrum. Þetta veldur svo miklu álagi á sambýling minn að mamma hefur ákveðið að koma suður til að sjá mér fyrir fæði og fötum. Ja, ekki er öll vitleysan eins.

Allt virðist líka ætla að ganga upp með vinnu og ferðalög frá því eftir próf þar til næsta haust. Stefnan hefur nú verið sett á SA-Asíu upp úr miðjum apríl. Þar sem að við skötuhjú erum búin að skipta ansi oft um skoðun skal þó taka þessari ákvörðun með fyrirvara.

Hvernig á að spara í heilbrigðiskerfinu?

2007-02-07T00:18:00.000Z

Ég rakst á alveg hreint stórmerkilega síðu í dag. Síðuna á Guðrún nokkur Haraldsdóttir. Hún læknaðist af krabbameini með hjálp Guðs og gula ljóssins með smávægilegri aðstoð frá nútíma læknisfræði (lyfjameðferð og geislameðferð). Ekki nóg með það! Hún getur líka komið okkur hinum í samband við "the highest power, doctors and GOD" via internetið. Þannig hefur hún víst haft milligöngu um lækningu fjölda fólks.

Mér finnst að heilbrigðisráðherra ætti að hafa samband við þess konu. Þó að hún sé flutt til Danmerkur skiptir það engu máli þar sem að hún vinnur hvort sem er í gegnum internetið. Þetta gæti sparað stóra fjármuni. Það væri örugglega nóg að útskrifa bara einn skitinn lækni á ári og nokkra hjúkrunarfræðinga þar sem að Guðrún gæti létt alveg heilmikið undir með þessum stéttum. Svo mætti bara hætta við að byggja nýjan spítala þar sem að svo margir sjúklingar færu heim alheilbrigðir að það væri bara hægt að endurinnrétta þennan gamla. Nóg pláss.

Þar sem að ég hef grun um að heilbrigðisráðherra lesi bloggið mitt ekki, í það minnsta ekki reglulega, mæli ég með að allir fari inn á þessa síðu og skoði leiðbeiningarnar undir flipanum "Healing".

Ég ætla allavega að byrja strax....á morgun...nú fer kvefið...fyrir fullt og allt!

Ég vona bara að þessi kona geti læknað fólk sem heilbrigðisstéttum gengur illa að lækna, eins og t.d. barnaníðinga og eyðnisjúklinga. Það væri munur.

Pís át.

My man!

2007-01-31T09:33:00.000Z

Fyrir þau sem hafa ekki enn séð hann Friðrik skelli ég hér inn mynd af honum.

Maðurinn er hamingjusamari en orð fá lýst enda eyðir hann flestum stundum dagsins með mér

Klár gutti

2007-01-30T14:55:00.000Z

Þessi litli er svo flinkur að maður gæti bara haldið að hann væri skyldur mér.

Terrific Drummer
Uploaded by haos

Hjúkket!!!

2007-01-27T22:23:00.000Z

Þetta rétt slapp í dag. Fann magasárið vera að myndast á síðustu mínútum leiksins. Nú verðum við bara að ná 7. sæti eða ofar. Koma svo strákar!

Já, og lögin í Júróvisjón í kvöld voru flest alveg hræðileg. Besta lagið situr eftir og þau sem komust áfram fóru á nöfnum flytjendanna. Rugl. Skandall. Fólk er fífl.

Sorg í sálinni og tár á kinn...

2007-01-25T19:00:00.000Z

...svekkjandi leikur, virkilega svekkjandi.

Hommar, býflugur og hákarlar

2007-01-24T10:06:00.001Z

Pirringur dagsins: Alþjóðlegar reglur um að karlmenn sem hafa haft samræði við annan karlmann megi ekki gefa blóð. Já, og heldur ekki konur sem hafa haft sofið hjá karlmanni sem hefur haft samræði við annan karlmann. Finnst þetta alveg út í hött.

Í morgun kom auglýsingabæklingur inn um lúguna. Hann var fullur af myndum af öskudagsbúningum. Það fóru að rifjast upp fyrir mér búningar sem ég átti þegar ég var lítil. Einu sinni var ég býfluga. Búningurinn var svakalega flottur og fyrirferðamikill. Niður úr honum stóðu örmjóar spírur sem voru víst fæturnir á mér. Minnir óþægilega mikið á sjálfa mig nokkrum árum seinna - á fermingardaginn.

Hákarlar eru ekkert vondir. Þeir ruglast bara stundum á okkur og einhverjum öðrum dýrum. Sjáið bara hér. Enda eigum við auðvitað ekkert (frá náttúrunnar hendi) að vera að svamla á margra metra dýpi lengst úti í sjó.

Með sólskin í sálinni

2007-01-23T10:12:00.000Z

Leikurinn í gær var æðislegur, frábær og yndislegur. Hann setti stórt bros í hjartað mitt.

Svona geta litlir hlutir glatt mann mikið. Eins og það skipti einhverju raunverulegu máli hvernig íslenska landsliðinu gengur á HM.

Þó að það breyti engu um gang heimsins skiptir það bara samt máli fyrir þjóðarsálina á þessu litla landi. Við erum jú best og fallegust! Sigurinn á Frökkum sannar það bara. Er það ekki?

Varúð eplaskeri!

2007-01-15T10:49:00.000Z

Held að ég hljóti að geta fengið einhvern titil fyrir það hvernig mér tekst alltaf að meiða mig.

Skýring: Í gær fór ég í IKEA og keypti mér eplaskera. Þegar ég kom heim flýtti ég mér að taka utan af skeranum og við það þrýsti ég einum fingrinum mjög fast á hnífinn. Þannig komst ég að því að blaðið á svona skera er mjög beitt. Með samhentu átaki tókst okkur Ísaki samt að stöðva ógurlegt blóðflæðið og svo var farið í apótek til að geta sett einhverjar umbúðir á putta-greyið. Þetta hefur í för með sér sársauka við skrif á tölvu. Bölvað vesen.

Ég er auli!

Ekki var nú samt allt slæmt um helgina. Ég keypti mér tvö pör af skóm. Bæði voru þau með háum hælum. Þetta er einstakt og eftirtektarvert dæmi. Reyndar keypti ég þá ekki beint...ég valdi og mamma heimtaði að borga. En það var líka fínt. Takk mamma.

Þetta var semsagt góð helgi með sársaukafullum endi.

Jól, áramót og afmæli x2

2007-01-10T09:30:00.000Z

Jæja, gleðileg jól börnin mín. Nei, bíddu aðeins við. Gleymdi að blogga öll jólin. Ég get samt allavega sagt gleðilegt ár þó svo að það sé ekki alveg glænýtt lengur.

Margt og mikið hefur auðvitað gerst síðan ég bloggaði síðast. Merkilegast er sennilega að ég fór í fyrsta skipti ekki norður um jólin. Lá bara í leti í Skeggjagötunni í marga, marga daga. Var meira að segja í fríi í vinnunni líka þannig að þetta var nú meira sukkið. Enda sést það alveg á manni, rúmmálið er orðið heldur meira en fyrir þessa miklu áthátíð. Þá er víst bara að reyna að minnka það aftur fyrir árshátíð.

Mér tókst líka að verða 25 ára. það var í fyrsta skipti sem ég upplifði afmælið sem ekki svo gleðilegan atburð. Fannst ég allt í einu bara orðin rosa gömul. Hálfþrítug! Óhugnarleg staðreynd. Dagurinn var samt skemmtilegur og góður. Fékk fjölskylduna í kaffi sem ég þurfti nánst ekkert að hafa fyrir því Hlífa mætti bara með allt dótið til mín. Gerist ekki mikið betra en það.

Í gær fór ég með ömmu gömlu til augnlæknis. Var gífurlega fúl þegar ég komst að því að læknirinn var ekki mættur þegar við komum kl. 8:30. Fyrstu tímar eru bókaðir kl. 8. Alveg hreint óþolandi helvíti. Biðin varð því rúmlega klukkutími. Aaaaarrrrg pirr! Loksins fékk samt sú gamla resept fyrir gleraugum og við Sjonni drifum okkur með gömlu hjónin í Gleraugnasöluna (sem er alveg örugglega besta gleraugnaverslun landsins) til að fá nú loksins ný gleraugu fyrir þau. Þeirri gömlu var strax færður stóll og þar sat hún eins og drottning og stjanað var við hana á alla kanta. Kristmundur sagði fyrirfram að ég ætti öllu að ráða því honum væri sama svo lengi sem þetta væri nothæft. Annað kom nú á daginn því að hann hafði sterkar skoðanir á lit, efni og stærð. Allt gekk þetta samt hratt og vel og allir fóru ánægðir út.

Í gær kom að því að ég ákvað að ég hefði ekki tíma til að gera allt. Ég dró mig því út úr Lýðheilsufélagi læknanema. Það var alveg hundfúlt en það er sennilega betra að vera með færri hluti á sinni könnu og geta þá gert þá almennilega.

Í lokin vil ég óska honum Afa mínum Kibba til hamingju með 88 ára afmælið í dag. Ótrúlegt hvað karlinn er gamall.

Afi í sínu rétta umhverfi.

Rauðvín og vegamál

2006-12-08T00:33:00.000Z

Ja hérna hér. Karlinn fer út á morgun. Afríka er áfangastaðurinn í þetta skiptið. Af því tilefni ákváðum við að fá okkur rauðvínsglas. Nú er flaskan búin. O-bobb-obb! Held við séum bæði farin að finna á okkur. En svona verða víst slysin.

Áfram í sambandi við slys...Hvað er þetta með breikkun Suðurlandsvegar. Getur fólk ekki bara keyrt á hæfilegum hraða og slakað aðeins á í framúrakstrinum. Það ætti bara að setja nokkur stykki löggumenn á leiðina og þvinga umferðarhraðann niður í 90 km/klst. Held að þá væri tvöföldun ekkert nauðsynleg í bráð. Hvað ef það er svo rétt að það verði meiri hálka ef vegurinn verður breikkaður? Hvernig endar þetta þá? Ekki er heldur eins og það séu til endalausir peningar og mér finnst vera til mikilvægari atriði á Íslandi en þetta, jafnvel í vegaframkvæmdum. Mér finnst líka skrýtið að það eigi að ákveða að gera eitthvað svona áður en það er komið í ljós hvað það kostar eða hvernig á að framkvæma það.

Ekki það að slysið sem varð þarna um helgina var hræðilegt. Fjölskyldurnar sem tengjast þeim sem í því lentu eiga vissulega um sárt að binda. En var slysið vegna slæms vegar eða óvarkárs akstur? Mér finnst það vera spurningin sem þarf að svar áður en lengra er haldið.

Ég efast ekki um að það er fullt af fólki ósammála mér - endilega skellið inni einni athugasemd, eða tveimur.

Er ekki frá því að Gribban hafi skotið upp kollinum við skrif þessarar færslu.

Straufrí?

2006-12-04T23:35:00.000Z

Nei, alveg klárlega ekki í kvöld.

Þeir sem þekkja mig hið minnsta vita að ég strauja helst aldrei. Í kvöld straujaði ég samt sem áður heilt sængurver - tvisvar. Það var að sjálfsögðu út úr neyð, en ég gerði það!

Mér finnst ég eiga skilið hrós.

Alveg hreint sjóðandi, bullandi, snarvitlaus...

2006-11-29T14:51:00.000Z

Hversu margir hafa á undanförnum dögum séð einhvern í umferðinni sem augljóslega á ekki að hafa bílpróf? Eða er þetta kannski bara ég?

Það er mjög gott að ég er ekki mikið á bíl úti í umferðinni. Ég þoli nefnilega alls ekki fólk sem annað hvort kann ekki umferðarrelgurnar eða kýs að fara ekki eftir þeim. Þegar það kom svo snjór í Reykjavík virtist fólk alveg gleyma því að það er til eitthvað sem heitir umferðarreglur!

Á síðustu 10 dögum hafa alveg ótrúlega margir gert eitthvað ótrúlega heimskulegt akandi í bíl nálægt mér. Einn bakkaði á miklum hraða út úr bílastæði við húsið sitt, yfir aðra akreinina og stoppaði þvert á hinni, beint fyrir framan mig. Sem þurfti að negla niður til að lenda ekki á fína jeppanum hans. Maðurinn horfði svo á mig stórum augum þegar ég lagðist á flautuna eins og ég ætti bara ekkert að vera að keyra þarna á götunni. Annar fór af stað á rauðu ljósi fyrir framan mig. Ég bíbbaði til að benda honum á að þetta mætti ekki. Viðkomandi stoppaði. Svo kom grænt ljós. Eftir 30 sek. gafst ég upp og bíbbaði aftur til að hann/hún færi af stað. Í tvígang hef ég svo lent í því að fólk sem er að koma á móti mér og ætlar að beygja til vinstri yfir mína akrein ekur bara í veg fyrir umferðina...og þar með mig. Annað skiptið var greinilega vegna gífurlegs þekkingarleysis en hitt skiptið var augljóslega planað þar sem að það lá við að bíllinn prjónaði af stað til að ná að komast á undan mér.

Hér á "fólk er fífl" alveg einstaklega vel við.

Aaaaaaaaaarrrrrrrrg

Kveðja, Gribban með road-rage.

Bloggað fyrir Kramer

2006-11-27T09:41:00.000Z

Úff, úff, úff. Erfið helgi. Í réttri röð: Djamm, þynnka, skvass í þynnku, vinna í þynnku og með ótæpilegan skjálfta í spaðahendinni, laufabrauðsgerð. Allt mjög skemmtilegt. Tja, já, nema þynnkan. Hún skemmdi líka mikið af hinu. Helvítis vesen. Aldrei, aldrei aftur.

En það var samt alveg fáránlega gaman í skvassi. Sé fram á að það verði nýjasta æðið hjá mér. Það hefur reyndar þá leiðinlegu aukaerkun að ég get ekki skrifað og ekki drukkið með hægri hendi, en það hlýtur að jafna sig. Greyið Ísak verður bara alltaf að fara tvöfalda tíma þannig að ég geti líka verið með. Þú hefur nú bara gott af því Skaki minn. Svo kemur líka bráðum skvass-einkakennarinn minn til landsins. Hann veit bara ekki ennþá að hann er einkakennarinn minn. Reyndar hefur hann meira að segja neitað að kenna mér á þeim forsendum að ég sé svo erfið. Hér með fellur sá dómur ómerkur niður af því að ég vil það.

Laufabrauðsgerðin gekk ekkert smá vel. Við fengum meira að segja þá ánægju að gefa innflytjenda frá Rússlandi innsýn inn í íslenskar jólahefðir. Alltaf gaman að því þegar fólk sem flyst til landsins leggur sig fram við að kynnast landi og þjóð.

Jæja Kramer, ég bloggaði. Nú þú!

Bloggað í skólanum

2006-11-08T11:49:00.001Z

Jæja, hér hefur ekki verið bloggað í ár og öld.

Það er bara svo brjálað að gera að ég hef ekki fundið tíma til að þess.

Nú fann ég hins vegar alveg ágætis blogg-tíma; lyfjafræðifyrirlestur sem fjallar um lyfjamælingar í blóði. Úff púff.

Ég er búin að fá ógeð á prófkjörsumræðu. Endalaust er þetta í fréttum, heilsíðuauglýsingar í blöðunum og svo er tekið viðtal við frambjóðendur í beinni um stöðu mála þegar búið er að telja 30% atkvæða. Hvaða rugl er þetta eiginlega? Getur fólk ekki bara fylgst með frambjóðendum í sínum flokki og svo mætti bara tilkynna þegar búið er að telja hver niðurröðunin var. Kannski er þetta bara ég.

Mér finnst samt undralegt hvernig svipaðir en ótengdir hluti gerast á svipuðum stað í tíma og rúmi. Fyrir nokkrum vikum var allt fullt af fréttum um svakalegar nauðganir. Núna eru hús að brenna út um allt, ýmist fyrir slysni eða af því að kveikt var í. Sem betur fer hefur enginn dáið enn, en tveir liggja þungt haldnir á sjúkrahúsi.

Ótrúlega undarlegar tilviljanir.

Allt annað mál: Mjög skondið að setja maríjúana í hamborgara og selja löggunni þá. Kannski ungir frjálshyggjumenn ættu að prófa að gera þetta áður en þeir reyna að selja áfengi út á götu aftur. Gengi kannski betur ef lögreglan væri dópuð.

Kveðja, Fréttapælarinn.

Bloggað í skólanum

2006-11-08T11:49:00.000Z

Jæja, hér hefur ekki verið bloggað í ár og öld.

Það er bara svo brjálað að gera að ég hef ekki fundið tíma til að þess.

Nú fann ég hins vegar alveg ágætis blogg-tíma; lyfjafræðifyrirlestur sem fjallar um lyfjamælingar í blóði. Úff púff.

Ótrúlega undarlegar tilviljanir.

Kveðja, Fréttapælarinn.

Rólegt föstudagskvöld

2006-10-27T19:16:00.000Z

Held að ég hljóti að vera veik. Það er föstudagskvöld og ég er í alvörunni heima að læra. Var að hugsa um að kíkja á alla fullu læknanemana í bænum í kvöld en er orðin svo gömul að ég veit ekki hvort ég nenni því.

Best að vera bara heima og baka múffur til að fara með til Ómars á sunnudaginn - hann sagði nefnilega að ég ætti að koma með svoleiðis. Er farin að halda að hann tali við mig bara til að fá að borða. Kom fyrir algjöra tilviljun í heimsókn tvo daga í röð þegar ég átti lummur. (Já, ég gerði lummur!) Hmmm. Það þyrfti kannski aðeins að endurhugsa þessa vináttu. Ómar: Þú manst vonandi að ég á ennþá samninginn!

Annað mál er að mér finnst mjög frekar óhugnalegt að fólk sé handtekið fyrir að blogga um viðkvæm mál. Nei, nei ég er ekki að bulla þetta var í grein á mbl.is. Það er kannski best að lesa bloggið sitt yfir og taka vafasama hluti út, þ.e. framkvæma bloggskoðun.

Kveðja, gamla húsmóðirin.

Hitt og þetta

2006-10-26T12:37:00.000Z

Í gær héldum við upp á afmælið hans Hjartar. Allir þeir úr fjölskyldunni sem eru staðsettir hér í bænum komu og við áttum góða stund saman. Mikið rosalega er gott að hitta fjölskylduna sína.

Í dag og á morgun verða (vonandi) miklir lærdómsdagar. Á laugardaginn verð ég svo að vinna hópverkefni og á sunnudaginn er vinnudagur hjá mínum heittelskaða Ástráði! Það er því nóg að gera þessa dagana. Í hverri viku held ég að það verði minna um að vera í næstu viku en svo reynist aldrei vera.

Mikið ofsalega er ég hrædd og reið yfir þessum fréttum af nauðgunum síðustu vikurnar. Ekki séns ég þori fyrir mitt litla líf að labba ein heim úr bænum. Hvað fær einhver sem heldur konu meðan annar nauðgar henni eiginlega út úr því. Skil bara ekki svona ógeð. Reyndar er talað um að margir nauðgarar upplifi nauðgun sem ofbeldisverk en ekki kynferðislegan verknað í mörgum tilfellum. Ef þetta eru nú sömu mennirnir sem nauðguðu stelpunum við MR og Þjóðleikhúsið spyr maður sig hvort þeir skiptist á að nauðga eða hvort annar er bara aðstoðarmaður. Veit ekki hvort mér finnst sjúkara!

Ég var samt mjög ánægð þegar ég heyrði að báðar stelpurnar hafa kært nauðganirnar. Það er allt of algengt að nauðganir séu ekki kærðar. Það er samt sennilega af því að það er erfitt fyrir fórnarlambið að ganga í gegnum skýrslutökur og réttarhöld, fáir eru dæmdir og þeir sem eru dæmdir fá dóma sem hæfa því frekar að þeir hefðu brotist inn í sjoppu. Það má samt fagna því að það er verið að víkka út hugtakið nauðgun í lögunum, það verður semsagt ekki bara "typpi í píku" lengur. Ótrúlegt að hingað til hafi það ekki talist nauðgun þegar hnefa er troðið upp í leggöng gegn vilja konunnar!

Jæja best að snúa sér að námsefninu áður en blóðþrýstingurinn hækkar upp úr öllu valdi.

Þangað til næst...

Afmæli!

2006-10-25T09:05:00.000Z

Hann Hjörtur "bróðir" minn á afmæli í dag. Nú er hann orðinn jafn gamall og ég, alveg 24 ára.

Til hamingju með það Hjörtur minn!

Verð nú bara að setja hér inn í tilefni dagsins þessa æðislegu mynd. Ég veit að ég á eftir að fá miklar þakkir fyrir það :)

Skemmtileg samsæriskenning

2006-10-19T19:34:00.000Z

Vil benda fólki á að lesa Bakþanka í Fréttablaðinu í dag. Alveg hreint einstaklega skemmtileg samsæriskenning um hvers hagur það sé eiginlega að fita okkur. Honum Dr. Gunna er greinilega ekki alls varnað.

Úff!!!

2006-10-19T10:16:00.000Z

Finnst þér að einhver sem þú þekkir syngi illa? Ef svo er skaltu hlusta á þennan ófögnuð hér. Eftir að hafa hlustað á þetta er ég tilbúin að hlusta á hvern sem er syngja hvað sem er. Þetta verður örugglega bráðum tekið út af netinu því þetta hlýtur að skemma heyrn þess sem á hlýðir.

Hér kemur líka skelfileg játning. Þegar ég var 13 átti ég disk með Peter Andre og fannst hann æði og alveg svakalega sexy. Mikið er gott að maður skuli þroskast!

Í sveitinni

2006-10-14T19:10:00.000Z

Hef eiginlega ekki sest niður, nema rétt til að borða, síðan ég kom. Ég og gamla settið vorum í allan gærdag og dag að skera kjöt, hakka kjöt og pakka kjöti. En nú er þetta búið. Hálft naut komið í frystinn í notendavænum umbúðum.

Við erum öll afskalega þreytt en glöð og sæl með þetta afrek okkar. Nú tekur bara við leti og ísát þannig að við missum örugglega enginn kíló í hamaganginum.

Annað í fréttum er að Hlífa mín átti afmæli í gær. Varð víst alveg 32 ára. Til hamingju með það, gamla mín. Maggi varð svo 31 þann 5. og óska ég honum líka til hamingju með það. SMS-ið sem ég sendi honum komst víst ekki til skila (eða réttara sagt sendi ég það óvart til allt annarrar manneskju). Finnst nú frekar súrt að missa af afmælisveislunum en það verður að hafa það í þetta skiptið.

Mér finnst þetta...

2006-10-12T11:19:00.000Z

...ógeðslegt!

Aftur í skólann

2006-10-12T10:29:00.000Z

Jæja þá er skólinn byrjaður hjá mér aftur. Fannst svo rosalega gaman í fyrr að læra lyfja- og meinafræði að ég ætla að gera það aftur. Fór líka á námstækninámskeið og nú þarf ég að fara að prófa skimnu, hugkortagerð, Cornell-glósuaðferð, tímaáætlanagerð og fleira og fleira. Held að það verði full vinna bara að prófa þetta allt. Vonandi virkar bara eitthvað af þessu dóti.

Núna sit ég í skólastofunni með nýjum bekk. Skrýtin tilfinning. Gömlu, góðu bekkjarfélagar: Ég sakna ykkar. Nýi bekkurinn er samt örugglega alveg fínn. Þetta er bara dálítið undarlegt.

Verð í sveitinni um helgina. Hef ekki farið svona oft norður síðan ég flutti suður held ég.

Alltaf gott að komast aðeins á Hótel mömmu - má bara ekki vera of lengi í einu.

Ógæfa annarra eða mín eigin gæfa?

2006-08-11T14:26:00.000Z

Í dag fór ég í Kringluna og keypti hinar ýmsu ónauðsynjar. Þegar ég var að bíða eftir strætó til að komast nú aftur heim með allt draslið kemur til mín strákur á aldur við mig. Hann spurði hvort ég ætti nokkuð kannski hundraðkall handa honum, hann væri nefnilega alveg á götunni.

Ég átti ekki hundraðkall en gaf honum klink-ruslið í veskinu mínu og einn strætómiða. Hann endurtók afsakandi nokkrum sinnum að hann væri alveg á götunni og að það væri ekki hægt að komast strax í meðferð. Hann var mjög kurteis og þakkaði kærlega fyrir sig. Ég sá að hann fór beint og bað konu sem var nálægt um pening. Svo labbaði hann í burtu.

Þetta skar mig í hjartað. Mér fannst ég kannast við kauða en held að það hafi bara verið af því að ég þekki nokkra sem eru akkúrat þessi týpa - eiga auðvelt með að detta í rugl og áfengi, þeir eru bara pínu heppnari en þessi. Þegar hann var horfinn fékk ég samviskubit. Kannski átti hann ekkert að borða, af hverju gaf ég honum ekki kleinurnar sem voru í pokanum hjá mér? Af hverju spurði ég ekki hvað hann héti? Af hverju spjallaði ég ekki við hann? Ég þurfti að vera hörð við sjálfa mig til þess að fara ekki og leita að honum.

Kannski eru allir að hugsa hvað ég sé vitlaus. Þessi gaur hafi bara verið að spila með mig og vantað pening fyrir næsta skammti af víni eða dópi. Kannski það. Kannski var þetta forfallinn dópisti. En það er fullt af fólki sem er í þessari stöðu. Á ekki neitt og er búið að brenna allar brýr að baki sér. Það þarf stundum ekki mörg mistök til að fara inn í vítahring sem endar í ræsinu.

Lífið er ekki sanngjarnt. Ég drekk vín, ég hef gert mistök og stundum hef ég eytt peningum í heimskulega hluti. Samt hef ég það gott. Ég á fjölskyldu og vini sem styðja mig gegnum súrt og sætt. Þess vegna sit ég í rólegheitunum heima hjá mér með fulla frystikistu og ískáp af mat, með tölvu, prentara, sjónvarp, DVD-spilara, vídjó, I-pod, gott rúm og skítnóg af fötum og skóm meðan þessi strákur sníkir peninga af ókunnugum.

Elsku Friðrik...

2006-08-11T13:47:00.000Z

...til hamingju með afmælið!

Mjög sjálfhverft blogg

2006-05-24T12:01:00.000Z

Þegar ég horfi út um gluggan minn virðist vera komið sumar. Það er bara plat. Úti er ískalt. Fæ gæsahúð og stinnar geirur bara af því að kíkja út í dyr. Þetta er samt skárra en norðan-snjóbylurinn sem er á Norðurlandi.

Mig langar að vera komin í sumarfrí. Finnst að allir í heiminum séu búnir í skólanum nema við litlu greyin sem erum í rannsóknarverkefnum.

Ég er nr. 29 í valröð fyrir medicine og kirugiu. Doltið aftarlega en það skiptir ekki öllu. Veit hvort sem er ekki almennilega hvar ég vil byrja. Kemur allt saman í ljós. Allavega engin valkvíði hjá mér. Kasta bara upp krónu ef það verður eitthvert val.

Góðar fréttir: Ég er að fara að jubilera 15.-16. júní. Fæ fiðring í magann af því að hugsa um það. Það verður skemmtilegt og skrýtið að hitta alla MA-félagana aftur. Suma hef ég ekki hitt í 5 ár. Svo kemst ég líka sennilega til Krítar í lok júní. Enn meiri fiðringur í magann!

Slæmar fréttir: Hausinn á mér er fullur af sumri, jubileringu og draumi um utanlandsferð þegar hann á að vera stútfullur af fyrirlestri og ritgerð. Verð að reyna að breyta þessu. Ekki seinna vænna.

Draumur....

2006-05-22T21:39:00.000Z

Í hverfinu mínu er sjoppa. Það er í sjálfu sér ekki í frásögur færandi. Þessi umrædda sjoppa er ekki einu sinni sú eina í hverfinu.

Þessi sjoppa er hins vegar nokkuð sérstök. Stór hluti þeirrar matvöru sem þar er seldur er kominn vel yfir síðasta söludag. Maðurinn sem rekur hana og afgreiðir geymir víst bæði byssu og bjór undir búðarborðinu. Er það mál manna að byssuna noti hann á óprúttna eða skulduga viðskiptavini en selji bjórinn. Aldrei hef ég þó heyrt um að hann hafi gengið svo langt að hleypa af byssunni á skuldaselina. Af þessu má glögglega ráða að betra er að fara eitthvað annað ef það er í boði.

Nú vill það þannig til að það er strætóskýli beint á móti þessari tilteknu sjoppu. Í því sit ég stundum góða stund og bíð eftir hinum stundvísu íslensku strætóum. Það bregst varla að meðan ég bíð sé ég unga drengi labba frá Hlemmi og inn í sjoppuskömmina. Þar eru þeir augnablik og koma svo út aftur með, já takið nú eftir, nákvæmlega ekki neitt eftir því sem best verður séð. Stundum sjást einnig ungir menn mæta á svæðið í bíl og gera nákævmlega það sama.

Síðast þegar gerð var svokölluð "rassía" í þessari verslun var hreinsað út óhugnalega mikið af útrunni matvöru ásamt því sem áfengi, fíkniefni og byssur voru gerð upptæk. Þegar ég tek mið af þessu öllu saman get ég ekki ímyndað mér að þessir strákar sem gera sér ferð í þessa sjoppu séu þar nema í einum tilgangi. Ekki eru þeir að kaupa áfengi því þeir virðast koma út tómhentir. Þá er aðeins eftir eitt sem talað er um að sé í boði þarna en ekki í öðrum söluturunum bæjarins.

Það kaldhæðnislegasta við þetta allt saman er að lögreglustöðin er ekki nema 500 metra í burtu og í sjónlínu frá sjoppunni!

Ísland án eiturlyfja 2000

Jahá!

2006-05-05T16:55:00.000Z

Ég hef alltaf sagt að kelerí sé af hinu góða. Sjáiði bara þetta.

Niðurstaða vikunnar

2006-05-05T16:06:00.000Z

Tölfræðikunnátta - engin

Rugl og aulaskapur - í hámarki

Leti og ómennska - við hættumörk

Ritgerðin gengur semsagt ekkert rosalega vel. Stressið er að byrja að læðast upp að mér. Það er ekki gott, stress lamar mig nenfnilega. Þegar ég er stressuð sit ég bara og stari á það sem ég ætti að vera að lesa. Í þessu tilfelli á ég því sennilega eftir að stara á autt "blað" á tölvuskjánum. En aftur í bévítans tölfræðina. Krosstöflur og T-próf - þetta er hebreska fyrir mér.

Ég er myndaóð þessa dagana

2006-04-28T15:21:00.000Z

Búin að setja inn pínu meira af myndum síðan í vetur. Ekki seinna vænna, alltaf að lofa þessu. Set svo örugglega inn eldri myndir smá saman.

Linkar eru hægra megin á síðunni... undir þeim frumlega titli "Myndir".

Bara stutt í þetta skiptið

2006-04-25T15:17:00.000Z

Helgin: ársfundur - vinna nr. 1 - matur, bjór, sofa - vinna nr. 1. Mánudagur: rannsóknarverkefni - taka til (alveg satt) - vinna nr. 2 - matur (og einn bjór). Þriðjudagur: kaffimaðurinn stakk einu sinni enn af til útlanda - rannsóknarverkefni - vinna nr. 1.

Þetta blogg er stutt til að bæta upp fyrir allt of langt blogg síðast

Verð samt að koma því að að ég er strax búin að fá nóg af auglýsingum frá frambjóðendum til borgarstjórnar og mér finnst "exbé" auglýsingar framsóknarflokksins alveg glataðar. Meira um pólitík síðar.

Myndirnar frá Hollandsferðinni eru komnar inn :)

Gleymdi myndunum áðan!

2006-04-21T13:23:00.000Z

Ómar á flugvellinum í Amsterdam með nammið sitt Ég og Kerlingurinn á sama flugvelli Strákarnir svaka gellur og ég perrakall Íslensku beibin með brúskana undir höndunum

Gleðilegt sumar

2006-04-21T13:08:00.000Z

Úff, hvað það er langt síðan ég hef bloggað. Af þeim sökum er frá allt of miklu að segja.

Rannsóknarverkefnið enn á sínum stað. Alltaf nóg að gera í því. Eigum bara eftir að fara í 4 bekki með spurningalistana og þá er allt komið í gagnaöflun. Þá mun tölfræði-hausverkurinn mikli byrja. Vildi að ég kynni eitthvað pínku pons í tölfræði, sem ég geri ekki. Fínt að það er til bók sem heitir "Statistics at square one". Vonandi reddar hún þessu.

Um páskana fór ég til Hollands á NECSE-ráðstefnu (North European Conference of Sexual Education) þar sem þemað var homo-, bi-, og transsexuality. Ferðafélagar mínir voru þeir Karl Erlingur og Ómar. Þetta var virkilega skemmtileg og fræðandi ferð. Við gistum í gömlu virki. Veggirnir voru meters þykkir og rimlar fyrir gluggunum. Fyrsta daginn var líka alveg ógeðslega kalt inni. Örugglega kaldara en úti. En ráðstefnugestir létu það ekki á sig fá heldur héldu ótrauðir áfram. Skemmtilegasta kvöldið var án efa þegar þemað var cross-dressing. Íslensku strákarnir "mínir" voru alveg æðislegir að hinum ólöstuðum.

Þegar ráðstefnunni lauk á sunnudag fórum við inn í Amsterdam. Að sjálfsögðu skelltu íslensku perrarnir sér í rauða hverfið. Við þræddum allar sex shops sem voru þar held ég og sáum hluti sem við, eða allavega ég, höfum ekki hugmynd um að væru til. Svona er maður nú saklaus! Það var svolítið sérkennileg upplifun að sjá hórurnar stilla sér upp í gluggunum. Samt fannst mér ennþá skrýtnara að sjá fólk labba með börnin sín í gegnum hverfið. Svo sem allt í lagi ef krakkarnir kippa sér ekkert upp við þetta en við mættum einni ca. 10 ára stelpu sem leið greinilega hræðilega þarna.

Þegar fyrstu umferð í Rauða hverfinu var lokið fórum við að hitta Svía, Dani og Pólverja sem voru með okkur á ráðstefnunni í einu af coffie shop-unum. Þar var setið í góðu yfirlæti í heila tvo tíma áður en við skelltum okkur út að borða á einhverjum stórfurðulegum indverskum veitingastað. Eftir matinn var tekin umferð tvö í Rauða hverfinu. Þá voru engin börn lengur á svæðinu og hóru-úrvalið mun meira. Þetta hverfi fór alveg með eina dönsku stelpuna. Hún ætlaði sko ekki að segja neinum að hún hefði verið þarna! Eftir þetta löbbuðum við óvart lengstu leið sem hægt var heim á hótelið okkar.

Eftir allan perraskapinn á sunnudeginum ákváðum við að vera menningarleg og fórum á Rigsmuseeum á mánudagsmorgninum. Það var satt best að segja alveg stórskemmtilegt. Enda í hróplegu ósamræmi við það sem við gerðum daginn áður. Restin af deginum fór svo bara í að rölta um og skoða mannlíf og búðir. Um kvöldið skelltum við okkur einu sinni enn í Rauða hverfið. Það var mjög fyndið að sjá muninn frá því kvöldinu áður. Miklu færri á ferli og dópsalarnir þ.a.l. miklu hærri prósenta af þeim sem voru þarna. Hefðum getað keypt nóg að alls kyns dóti hefðum við viljað það.

Á mánudagsmorgninum hófst svo ferðin heim sem tók um 12 tíma. Já, 12 tíma gott fólk. Þurftum nefnilega að fljúga fyrst til Stokkholms og skipta um flugvél þar. Takk kærlega Icelandair!

Þar með er þessari löngu ferðasögu lokið. Hefði getað skrifað mörgum sinnum meira en það er best að hlífa þeim sem hugsanlega lesa þetta blogg.

Allir MA-ingar...

2006-04-07T10:10:00.000Z

...til hamingju með sigurinn í Gettu betur :)

MA inn, MA út, MA rekur alla í kút!

Vikublogg

2006-04-03T18:06:00.000Z

Í síðustu viku var unnið af krafti í rannsóknarverkefninu og þrír skólar heimsóttir. Við Kolbrún fengum menntaskólafiðring í magann og öfunduðumst út í krakkana fyrir að vera að upplifa menntaskólaárin. En það er víst ekki hægt að upplifa þetta aftur. Það er samt allavega stúdents-afmæli í vor. Þá verð ég bara að ná mér í menntaskóla-fílings-skammt sem endist næstu 5 árin. Loksins fengum við líka tölfræðiforritið sem okkur vantaði þannig að fljótlega ættum við að geta farið að sjá einhverjar niðurstöður.

Helginni var eytt á Norðurlandi, í hinum yndislega Skagafirði. Það var nú voða gott að fara í sveitina, hitta fjölskylduna; sitja inni með gömlu hjónunum og drekka kakó vitandi að það var ískalt og allt á kafi í snjó úti.

Núna sit ég gjörsamlega uppgefin uppi í sófa eftir vinnuna. Held að einhver hljóti að hafa laumast til að gefa öllum krökkunum sykur áður en þau komu til okkar. Allir á útopnu. En það er líka gaman stundum.

En það er best að halda áfram að pikka inn spurningalista...gaman, gaman.

Hann Ísak bróðir minn á afmæli í dag!

2006-03-30T13:28:00.000Z

Til hamingju með það kallinn minn.

Góð helgi

2006-03-26T23:01:00.000Z

Fór á tónleika í Háskólabíói á föstudaginn. Hlífa og Maggi gáfu mér miða. Ellen og KK hituðu upp og spiluðu eitt uppáhaldslagið mitt í öllum heiminum: When I think of angels. Tónleikarnir sjálfir voru nú samt með henni Lisu Ekdahl. Hún er sænsk. Hún er skrýtin, reyndar alveg stórfurðuleg. En skemmtilegur tónlistarmaður. Fékk mig til að brosa næstum alla tónleikana. Takk fyrir miðana gömlu mín.

Vaknaði svo eldsnemma á laugardagsmorguninn. Virðist vera að verða morgunhani aftur eins og þegar ég var krakki. Get ekki sagt að mér finnist það leiðinlegt. Dagarnir nýtast svo miklu betur þegar þeir byrja milli átta og níu á morgnanna. Líka algjör synd að láta svona gott veður eins og á laugardaginn fara til spillis.

Í morgun átti ég að fara að vinna kl. 8 en gleymdi að stilla klukkuna mína. Algjör auli. Það kom þó ekki að sök þar sem ég var vakin rétt fyrir átta - fékk morgunkaffi í rúmið. Lúxus!

En nú er það bölvuð skattskýrslan...

Nammi...

2006-03-15T21:13:00.000Z

...namm. Stelpur skoðið þetta :)

Hitt og þetta

2006-03-13T11:28:00.000Z

Alveg er merkilegt hvernig tími sem á að fara í að gera ekki neitt fyllist alltaf af verkefnum. Ekki að það sé endilega slæmt. Er hvort sem er eitthvað gaman að liggja bara í leti?

Það er semsagt nóg að gera hjá mér. Rannsóknarverkefnið komið á fullt og ekki veitir af að taka Ástráðs-fjármál í gegn eftir slugsið í þeim málum í próftíðinni, já og reyndar mín eigin fjármál líka. Vinnan tekur líka tíma þó að hún sé ekki mikil.

Það er samt svo gott fyrir sálina að mæta í vinnuna mína og fá hrós eins og "þú hlýtur bara að vera engill" og "mikið ertu með fallegar tennur". Ekki á hverjum degi sem ég fæ að heyra þessi orð.

Fór á Læknaleika á föstudaginn. Mæting 3. ársins var hreint og beint skammarleg. Svo slæm var hún að ég endaði kvöldið á því að fá mér að borða með tveimur ungum mönnum af 1. ári. Reyndar tengdust piltur af 3. ári og stúlka af 1. ári mun sterkari böndum heldur en að borða saman. Alltaf gaman að því...

...tókst mér að gera einhverja forvitna?

Loksins...

2006-03-06T12:53:00.000Z

...eru prófin búin...allavega í bili...vonandi þangað til á næsta skólaári. :D

Það var önnur kona sem sat yfir okkur. Þ.e.a.s. ekki þessi sem er venjulega hjá okkurí prófunum. Pínu sorglegt fannst mér, að sjá hana var orðið hluti af prófupplifuninni. Þessi nýja boraði líka í nefið og var alltaf á svipinn eins og hún væri alveg að fara að gráta. Pirrandi.

Annars er ég að upplifa alveg nýja tilfinningu. Mig langar að skúra og skrúbba. Gefur kannski smá vísbendingu um hvernig ástandið er hér hjá mér.

En á dagkránni á næstunni er m.a.:

Að fara til Hollands.
Að liggja í leti.
Að fara út að skemmta mér.
Að skreppa í gamla góða Skagafjörðinn.
Að hitta fólk. Vá það verður gaman. Allir að koma í heimsókn eða bjóða mér til sín.
Eitthvert rannsóknarverkefni...veit nú ekki hvað ég nenni því mikið. Allt hitt hljómar svo miklu skemmtilegra.

En fyrst á dagskrá eru hrein rúmföt og uppvask. Svo að leggja mig, fara í sturtu og út að borða með mínum yndislegu bekkjarfélögum.

Oh Long John...

2006-03-05T15:40:00.000Z

... Oh Long Johnson

Þetta vídjó er svo fyndið. Kötturinn sem kemur síðast er frábær. Algjört gull. Hefur skemmt mér ómælt á þessum síðustu og verstu.

MA sló MR út úr Gettu betur

2006-03-05T15:34:00.000Z

Varð bara að koma þessu að ef einhverjir hefðu misst af þessum mjög svo skemmtilega viðburði.

MA hot hot hot... :)

Prófin alveg að verða búin

2006-03-04T21:40:00.000Z

Ég er orðin leið á prófum, nenni ekki að læra meira. Ég er orðin leið á veseni með rannsóknarverkefnið, nenni heldur ekki meiru af því.

Síðasta prófið er samt ekki á morgun heldur hinn. Þá tekur rannsóknarverkefnið við. Það verður gott. Loksins tími til að sinna því almennilega. Vonandi verður þá ekkert meira vesen með það.

Áðan kom ég að ketti sem hafði verið keyrt á. Kattargreyið lá líflaust í götunni. Skil ekki af hverju fólk keyrir bara í burtu. Alveg lágmark að stoppa og taka kisugreyið upp úr götunni þannig að það verði ekki keyrt yfir það aftur. Mér fannst reyndar aðallega leiðinlegt að kötturinn var ekki merktur þannig að við gátum ekki látið eigendurna vita.

Fyrir þá sem hafa áhuga á uppvaskinu mínu er eldhúsið fullt af óhreinu leirtaui og ógeði. Býst við öðrum ógeðslegum rottudraumi á næstunni.

Rotta í eldhúsinu!

2006-03-01T11:20:00.000Z

Ég bý ein. Yfirleitt finnst mér það mjög gott. Þegar ég er í prófum er það samt slæmt. Þá vantar einhvern annan til sjá um allt sem ég gef mér ekki tíma til að gera.

Matur er sem betur fer ekki stórt vandamál. Fer bara til stóru systur og borða þar eða litli bróðir kemur með mat til mín. Fjölskyldan mín er yndisleg.

Það versnar í því þegar kemur að þrifum.

Það er rykteppi á öllum láréttum yfirborðum nema gólfinu. Þar er rykið meira svona í hrúgum ásamt hárunum af Myrru. (Hún ákvað nefnilega að þetta væri frábær tími til að skipta úr þykkum vetrarfeldinum yfir í þunnhærðari sumarfeld.) Gólf sem líta út fyrir að hafa verið skúruð síðasta árið eru fjarlægur draumur. Til fjarlægra drauma teljast líka hreint klósett og tóm óhreinataus-karfa.

Í síðustu viku dreymdi mig rottu. Hún var búin að setjast að í eldhúsinu mínu innan um allt draslið. Hún var mjög ljót og þrjósk, neitaði að fara og neitaði að deyja. Þó að mér finnist rotturnar frá Keldum bara sætar þá ofbauð mér algjörlega við tilhugsuninni um holræsarottu í eldhússkápunum. Ég vaskaði upp.

Kveðja úr skít og stressi,

Sibba tibba táfýla.

Einstakt tækifæri!

2006-02-26T00:03:00.000Z

Jæja gott fólk.

Nú langar mig að vita hverjir eru, að ykkar mati, mínir helstu kostir og gallar.

Koma svo, allir svara. Ekki oft sem svona tækifæri býðst :)

Hrósið fær...

2006-02-24T10:47:00.000Z

Ómar, viltu taka mynd af þér þegar þú ert búinn að lesa þetta? Langar svo að sjá hvað þú roðnar mikið ;)

Ég vil gera heiminn betri

2006-02-24T09:49:00.000Z

Vá hvað ég er fegin að það er hægt að finna allt á netinu. Annars gæti það endað þannig að ég þyrfti að ákveða sjálf hvað mér finnst. Það væri nú ekki gott

Ég er líka fegin að ég virðist bara vera ágætis manneskja.

You fit in with:
Humanism

Your ideals mostly resemble that of a Humanist. Although you do not have a lot of faith, you are devoted to making this world better, in the short time that you have to live. Humanists do not generally believe in an afterlife, and therefore, are committed to making the world a better place for themselves and future generations.

20% scientific.
80% reason-oriented.

Take this quiz at QuizGalaxy.com

Sex Inspectors

2006-02-23T23:59:00.000Z

Hvað fær fólk til að fara í sjónvarpið með kynlífsvandræði sín?

Hvað fær fólk til að berhátta sig fyrir framan myndavélar frá sjónvarpsstöð þegar það er svo viðkævmt fyrir eigin útliti að það vill ekki einu sinni að makinn sjái meira en andlitið?

Hvernig dettur fólki í hug að gera þetta áður en það reynir að bjarga einhverju sjálft?

Hvernig væri t.d. að prófa að gera eitthvað sem makinn vill til að gleðja hann og athuga hvort spennan minnkar ekki smá?

Nei, nei! Sjónvarpsmyndavélar og athygli heimsins er greinilega málið. Kannski er þetta fólk bara að sækjast eftir því. Kannski fær þetta fólk eitthvað út úr því.

Maður spyr sig!

Köld og blaut

2006-02-22T19:24:00.000Z

Var að koma heim úr Kringlunni. Ákvað að ég hefði nú bara gott af því að labba þangað. Skellti iPod-inum í eyrun og þarmmaði af stað. Þrammið hætti reyndar fljótlega vegna þrálátra verkja í fótum eftir óþarflega mikla heilsurækt gærdagsins. Ég skreiddist því einhvernvegin áfram meðan rigningin, sem var bara smá úði þegar ég lagði af stað, breyttist í dembu. Þegar ég komst í Kringluna rann vatnið úr hárinu á mér og buxurnar höfðu tekið á sig nýjan og mun dekkri lit. Ég lauk innkaupum á methraða og komst að því að strætó átti að fara eftir 2 mín. Snilld...gat nefnilega ekki hugsað mér að labba aftur heim. Fór út í skýli...beið í f***ings 30 mín eftir strætó. Varð mjög kalt af biðinni. Held að ég þurfi heita sturtu og kakóbolla til að ná líkamshitanum upp fyrir 35°C.

Það sem gerir þetta ennþá skondnara eru ófarir gærdagsins. Þá ákvað ég að það væri upplagt að fara út að skokka. Ekkert nauðsynlegra í prófum en hreyfing og ferskt loft, ekki satt? Vissi reyndar að það var smá rigning en það er bara gott að skokka í rigningunni, loftið miklu betra og svona. Lagði af stað og uppgötvaði að það var miklu, miklu meira en smá rigning. Þrjóskan alræmda gerði það þó að verkum að mér datt ekki í hug að fara eitthvað styttra en ég hafði ætlað mér í upphafi. Kom þess vegna heim nokkrum kílóum þyngri en þegar ég lagði af stað. Held að vegfarendur sem mættu mér hafi haft verulegar áhyggjur af geðheilsu minni.

Afleiðing þessara hræðilegu ófara er sú að nú neita ég að fara út úr húsi nema vera sótt á bíl alveg upp að dyrum. Og hananú!

Magic = óvirkur heili og svefnleysi

2006-02-20T13:44:00.000Z

Jæja þá er eitt skítaprófið búið. Var súperstressuð í gærkvöldi. Hringdi í Ísak og bað hann að koma með Magic og mat handa mér. Hann mætti með umbeðnar vörur og Robba sem gaf mér Toblerone. Þeir eru algjör yndi.

En aftur að mér. Um ellefu leytið drakk ég mitt Magic. Ætlaði aldeilis að halda góðum dampi til svona tvö og læra ógisslega mikið. Um eitt gafst ég upp, heilinn var því sem næst alveg hættur að starfa og augun komin í kross. "Greinilegt að Magic virkar álíka vel og vatnsglas!" Hugsaði ég pirruð og þreytt. Skreiddist inn í rúm og þá, já þá, ákvað draslið í Magic-eitrinu að fara að virka. Svefninn kom seint og var afskaplega gloppóttur. Rúmlega fimm var ég glaðvöknuð og ákvað að læra meira. Hefði eins getað lesið klámblað eins og þessar lyfjafræðiglósur. Klukkan hálf sjö var syfjan farin að sækja ansi hart á mig og ég lagði mig aftur og "blundaði" allan tímann á símanum. Þið getið ímyndað ykkur hvað ég var roslega hress og skýr í kollinum í prófinu! Aldrei, aldrei aftur mun ég innbyrða þetta Magic-ógeð.

Af prófinu er það annars að frétta að ég vona bara að ég hafi náð a.m.k. 4,75. Spennandi að sjá hvort það tókst.

Í dag verður svo slakað aðeins á. Andlegur undirbúningur undir næstu törn. Tvær vikur af meinafræði-maniu. Gerist ekki mikið betra en það ;)

Að lokum: Til hamingju Ísland með að Silvía Nótt fer til Aþenu fyrir okkar hönd. Vona bara að fólk fatti hana.

Ég er drykkjusvoli

2006-02-16T15:47:00.000Z

Ég er búin að drekka svo mikið kaffi í dag að það nægði örugglega til að halda þremur fullvöxnum karlmönnum vakandi í fjóra sólahringa. Ég er samt ennþá sybbin! Í staðinn fyrir að vera hress er ég nú með hausverk og vöðva spennta upp úr öllu valdi, hraðan hjartslátt, ógleði og óeðlilega mikla svitamyndun. Ekki alveg tilætluð áhrif.

Fróðleiksmoli dagsins: Þetta kallast auka/hjá/hliðar-verkanir, krakkar mínir, og þær eru oft skammtatengdar.

Held að nú þurfi að leita á náðir sterkari lyfja en koffíns, t.d. góðs nætursvefns.

Hrósið fær...

2006-02-16T11:31:00.000Z

...Hjörtur frændi minn fyrir mjög skemmtilega bloggfærslu. Því bendi ég ykkur, lesendur góðir, á að fara inn á bloggið hans Hjartar og lesa þar færsluna ,,Hugrenningar brjálæðings". Hún er skemmtileg. Drengurinn er greinilega laumu-penni.

Pæling

2006-02-15T22:09:00.000Z

Ég þoli ekki fólk sem getur ekki séð neitt nema rassgatið á sjálfu sér! Svoleiðis fólk gerir mig alveg brjálaða. Stundum þarf fólk einfaldlega að sætta sig við að hafa hlutina einhvernvegin öðruvísi en það óskar helst þannig að öðrum líði betur. Annað er eigingirni, frekja, vanþroski og alveg endalaust margt annað sem ég ætla ekki að telja upp hér. Hvernig getur sumu fólki fundist eigin líðan miklivægust? ALLTAF! Tja...maður spyr sig.

Annars er helst í fréttum að ég hef fjóra daga til að læra undir þetta blessaða lyfjafræðipróf. Væri alveg til að hafa svona átta! En ég verð bara að vinna á tvöföldum hraða. Redda því nú líklegast eins og öðrum svona smáatriðum :S

Yfir og út :)

"Frétt"

2006-02-14T20:00:00.000Z

Stundum finnst mér undarlegt hvað ratar í blöðin, eða í þessu tilfelli á fréttavefi. Í dag var fjallað um norska könnun á mbl.is. Í könnuninni kom nefnilega í ljós að "hjón eða pör með börn eru þrisvar sinnum líklegri til að skiptast á kossum en þeir sem búa einir". Detti mér allar dauðar lýs úr höfði! Hvernig getur mögulega staðið á þessu? Er virkilega fréttnæmt að fólk sem býr með öðrum skiptist frekar á kossum en þeir sem búa einir? Mín eigin reynsla er allavega sú að kossarnir séu mun færri þegar ég er ein í kotinu.

Annað í fréttinni fannst mér öllu alvarlegra. Ekki voru það í sjálfu sér niðurstöðurnar sem vöktu athygli mína heldur hvernig þær voru túlkaðar:

Fleiri konur eða 53% sögðust kyssast oft en einungis 44% karla. Trúlegt þykir að mismuninn sem þarna má finna á milli ,,kyssenda" og ,,kossaþega" megi skýra með þeim hætti að börn hljóti marga kossa.

Þarna sýnist mér að kossar sem foreldri smellir á barn séu taldir með en ekki gert ráð fyrir því að konur get kysst hver aðra! Undarlegt mál það. Greinilegt að ekki er gert ráð fyrir því að fólk geti kysst fullorðinn einstakling af sama kyni, hvorki vini né elskendur. Aldeilis hreint merkilega fordómafullt!

Ég er með lítið hjarta...

2006-02-14T11:22:00.000Z

...og sumar auglýsingarnar frá umferðarstofu valda stingjum í því! Til dæmis þessi hér.

Fyrsta bloggið :)

2006-02-13T19:27:00.000Z

Jæja, fyrst litli bróðir bjó til útlit á bloggið mitt þá verð ég víst að blogga.

Fyrst verð ég nú bara að þakka mínum yndislega bróður fyrir að nenna að vesenast svona fyrir mig: Takk elsku besti Ísak, þú ert yndi!

Í gærkvöldi fór ég í alveg gífurlega gott kaffiboð til Skaka; fékk súkkulaði-möndlu-kaffi (nammi namm) og nýbakaða furstaköku með rjóma! Það sem var ennþá betra var að fá aðra nýbakaða furstaköku með mér heim...Hún er öll eftir ennþá, verður kvöldsnakkið mitt :)

Dagurinn í dag fór svo í lærdóm eins og lög gera ráð fyrir stuttu fyrir próf. Komst að því að mér finnst mjög leiðinlegt að skoða smásjársýni...þau valda hausverk og ógleði! Framantalin einkenni hafa nú bæst ofan á þreytu og mjög svo slæmt útlit sem fylgir próflestri. Alls ekki gott mál.

Ég er í fýlu út í konuna sem býr til stjörnuspána á mbl.is. Spáin mín þennan daginn hljómar svona:

Steingeitin eyðir ótrúlega miklum tíma í að reyna að vera fullkomin. Allt sem hún þarf að gera er að vera hún sjálf. Hvað fjármálin varðar, mun vinátta við krabba eða fisk koma báðum til góða.

Ég eyði engum tíma í að reyna að vera fullkomin þar sem ég ER fullkomin. Hvaða bull er þetta? Ég bara spyr. Í þeirri veiku von að hinn hlutinn af spánni gæti verið réttur væri ég alveg til í að fá að vita hverjir eru annaðhvort í fiska- eða krabbamerkinu.

Hversu lengi ætli ég haldi út að blogga? Ég spái því að ég bloggi oft alveg þangað til ég verð búin í prófum!

Ég er svo dugleg...

2006-02-09T11:25:00.000Z

Ég hlýt bara að vera snillingur. Mér tókst að setja linkana inn á síðuna mína alveg sjálf! Það kenndi mér það heldur enginn, ég bara fattaði hvernig átti að gera það :) Húrra fyrir mér!